კატეხიზაცია - კატეხიზაცია - აპოკალიფსისი

1) მართლმადიდებლური სარწმუნოების საფუძვლების შესწავლა იმ პირთათვის, რომლებიც მოსანათლავად ემზადებიან;

2) იმ პირთა დარიგება ჭეშმარიტ სარწმუნოებაში (იგულისხმება სარწმუნოების უფრო ღრმა შესწავლა), რომლებმაც უკვე მიიღეს ნათლობა და ეკლესიის წევრები გახდნენ.

ა) მოსანათლავ პირთა, ანუ კათაკმეველთა (ე. ი. ვინც ნათლისღების საიდუმლოს შეგნებული მიღებისთვის ემზადება) ქრისტიანულ სწავლა-მოძღვრებაში განსწავლა.

ბ) კათაკმეველთა თანაზიარობა საეკლესიო ცხოვრებასთან (ლოცვით-ევქარისტული ცხოვრება, სულიერი ხელმძღვანელობა, მარხვა, სულიერი საკითხავები, მოწყალება);

გ) კატეხიზაცია, როგორც ქმედითი თემური ცხოვრება საეკლესიო სამრევლოში;

დ) როგორც საკუთარი სულიერ-ზნეობრივი ცხოვრება საეკლესიო ყაიდაზე.

• ძველ ეკლესიაში კათაკმევლობა უპირატესად წარმოადგენდა სიტყვიერ დარიგებას, დღეს კი ახალმოქცეულთა დარიგებისას იყენებენ კატეხიზმოებს და სხვა სასწავლო ლიტერატურას, რომლებშიც სისტემატურად არის განმარტებული ქრისტიანული სარწმუნოების საფუძვლები;

• ძველ ეკლესიაში კათაკმევლები ხდებოდნენ მხოლოდ ის ქრისტიანები, ვისაც ქრისტიანობის მიღება სურდა, დღეს კი კატეხიზაცია შეიძლება ჩაუტარდეს ნებისმიერ ადამიანს, ვისაც ქრისტიანობის საფუძვლების შესწავლა გადაუწყვეტია;

• ძველ ეკლესიაში კათაკმევლობა ("კატეხუმენატში მიღება") ნიშნავდა ქრისტიანობის მიღებას, ეს იყო ქრისტიანის სულიერი ცხოვრების პირველი საფეხური, რომელიც მიდიოდა მეორე საფეხურთან - ნათლობასთან, დღეს კი კატეხიზმური მუშაობა წარმოებს, როგორც მონათლულებთან, ასევე მოუნათლავ ადამიანებთან, რომლებიც შეიძლება განეკუთვნებოდნენ, როგორც მორწმუნე ქრისტიანთა რიეგებს, ასევე იმათ, ვინც ჯერაც ღმრთის შემეცნების ძიებაშია.