განმარტება - "დაემხო, დაემხო ბაბილონი, დიდი ქალაქი, რომელმაც ასვა ყველა ხალხს ღვინო თავისი სიძვის რისხვისა" (გამოცხ. 14:8) - აპოკალიფსისი

"მას მოჰყვა მეორე ანგელოზი, რომელიც ამბობდა: დაემხო, დაემხო ბაბილონი, დიდი ქალაქი, რომელმაც ასვა ყველა ხალხს ღვინო თავისი სიძვის რისხვისა" (გამოცხ. 14:8).

მეორე ანგელოზი, რომელიც მოჰყვება პირველს (ანუ, ისიც ფრინავს "შუა ცაში"), და აუწყებს "მიწის მკვიდრთ, ყოველ ტომსა და ხალხს, ენასა და ერს" (გამოცხ. 14:6), რომელიღაც "დიდი ქალაქის" დაცემას, რომელსაც "ბაბილონი" ეწოდება. ხოლო რადგან არც 14-ე თავში, არც გამოცხადების მთელ წიგნში პირდაპირი პასუხი არ გვავს კითხვაზე, თუ რომელი ქალაქია ეს და სად იმოფება, - სხვადასხვა კომენტატორი სხვადასხვა დროს და სხვადასხვა ვითარებაში ამ ხატებაში ხედავდნენ ცალკეულ ქალაქებსა და ქვეყნებს, მთელ იმპერიებსაც, სხვადასხვა უკეთურ (მათი აზრით) ორგანიზაციათა კრებით სახეს, პოლიტიკურ სისტემებს, ეკონომიკურ კავშირებს და სხვა.

ამასთან ადრე უკვე აღინიშნა, რომ "კრებითი ბაბილონი" სხვა უკეთურ ქალაქებთან ერთად მონიშნული იყო "დიდი ქალაქის" სიმბოლოში, რომელიც ნახსენები იყო გამოცხადების 11-ე თავში (11:7-8), - და, რაც არც ისე აშკარაა, წინასწარმეტყველური კავშირით ზაქარიას წიგნთან, ირიბად მოიხსენიებოდა "ბაბილონური ოქროსგან დამზადებულ სატაძრო გვირგვინებში", რომლებსაც მუდმივად იხსნიან თავიანთი თავიდან ზეციური მხცოვნები და ამ გვირგვინებს დებენ ტახტზე მჯდომის წინაშე (შეად.: ზაქ. 6:9-11; გამოცხ. 4:4, 10).

და მაინც, მიუხედავად ამისა, ბუკვალური სახელწოდება "ბაბილონი" პირველად ისმის მხოლოდ გამოცხ. 14:8-ში, ტანაც ეს "დიდი ბაბილონი" წარმოგვიდგება არა, როგორც "მზარდი" ან "გამაგრებადი" ქალაქი, არამედ, როგორც უკვე "დაცემული", თუმცა თავის დაცემამდე ის სადღაც და როგორღაც არსებობდა, როგორღაც მიაღწია სიდიადეს, ასე რომ ამბავით მისი დაცემის შესახებ მთავრდება საკმაოდ ხანგრძლივი და რთული ისტორია.