ანტიერეტიკონი - მე ვარ თავისუფალი მასონი, ანუ ჩარლზ რასელის ჭეშმარიტი სახე - Apocalypse

ძიება
Перейти к контенту

Главное меню:

სწავლანი > ანტიერეტიკონი

"მე ვარ თავისუფალი მასონი"

ანუ

ჩარლზ ტეიზ რასელის ჭეშმარიტი სახე

ჩარლზ ტეიზ რასელი

ავტორი: ნიკოლოზ ვარი.

ჩ. ტ. რასელის ცხოვრებისა და "შემოქმედების" მრავალი მკვლევარი, როგორც აშშ-ში, ასევე დასავლეთ ევროპაში, ყურადღებას აქცევს მის სიტყვას, რომელიც მან წარმოთქვა 1913 წელს, ყოფილ მასონურ ტაძარში (სავარაუდოდ, ბიბლიის მკვლევართა კონგრესზე, რომელსაც ესწრებოდნენ დელეგატები 35 ქვეყნიდან) და რომელშიც მან თქვა ის სიტყვები, რომლებიც სათაურად დავუდეთ წინამდებარე პუბლიკაციას - "მე ვარ თავისუფალი მასონი" (I am a Free Mason):

"I am very glad to have this particular opportunity of saying a word about some of the things in which we agree with our Masonic friends, because we are speaking in a building dedicated to Masonry, and we also are Masons. I am a Free Mason". Charles Taze Russell (The Temple of God-Pastor Russell page 120).

"მოხარული ვარ, რომ მეძლევა შესაძლებლობა ვთქვა ორიოდ სიტყვა საგნებზე, რომელთა შესახებაც თანხმიერნი ვართ ჩვენს მასონ მეგობრებთან, რადგან ვლაპარაკობთ იმ ტაძარში, რომელიც ეძღვნება მასონობას. ჩვენც მასონები ვართ; მე ვარ თავისუფალი მასონი; ...თუკი შევძლებ ვატარო ჩემი უღელი მთელი ჩემი ცხოვრების განმავლობაში, რადგან ეს არის ის, რისი თქმაც აგრერიგად უყვართ ჩვენს მასონ ძმებს და რაც ნიშნავს, რომ ისინი თავისუფალი და აღიარებული მასონები არიან".

"მაშ ასე, მეც თავისუფალი და აღიარებული მასონი ვარ. მეტიც, ჩემის აზრით, ჩვენ ყველანი მასონები ვართ, თუმცა მთლად ისეთები არა, როგორიც ჩვენი მასონი ძმები. ჩვენ არ გვაქვს მათთან განხეთქილება. მე არ მაქვს არავითარი განზრახვა ვილაპარაკო რამე მასონთა წინააღმდეგ და მეტიც, შემიძლია მადლობითაც კი აღვნიშნო, რომ არსებობს საკმაოდ ზუსტად განსაზღვრული ჭეშმარიტებანი, რომელსაც ჩვენი მასონი ძმებიც იზიარებენ. მე ზოგჯერ ველაპარაკები მათ ამის შესახებ, ისინი კი მეკითხებიან, თუ საიდან ვიცი ეს ყოველივე? ჩვენ ვვარაუდობდით, რომ არავის ძალუძს იცოდეს ამ საგანთა შესახებ მათ გარდა, ვისთვისაც ხელმისაწვდომია ჩვენი უმაღლესი ცოდნა. ... განა არ ფლობენ ჩვენი მასონი ძმები ქრისტეს შესახებ გარკვეულ ცოდნას და მათ შესახებაც, ვისაც ტაძრის რაინდებს ანუ ტამპლიერებს უწოდებენ? ჩვენ კი მათაც აღვემატებით!"

"მე ურთიერთობა მქონდა დიდ ოსტატთან, მუშასთან, თვით უფალთან და სულიწმიდისგან მაქვს საიდუმლო ინფორმაცია და ინსტრუქცია, რომელიც ეხება იმას თუ რას ლაპარაკობს ბიბლია და ყოველივე ეს სრული ჭეშმარიტებაა! მე მჯერა ყოველივე ამისა. მასონ ძმებთან ვლაპარაკობდით ტაძარსა და მის მნიშვნელობაზე, თუ ვინ არის ნამდვილი მასონი და რას ნიშნავს დიადი პირამიდა, ემბლემა რომელსაც ისინი ასე ხშირად იყენებენ... და მათ უკვირდათ... ჩვენ ვაპირებთ განვიხილოთ თავისუფალი და აღიარებული მასონობის მოწოდება _ ბიბლიური მასონობისა, ჩემო ძვირფასო მეგობრებო. მაშ ასე, თქვენც და მეც, როგორც ქვე-მასონები, ველოდებით ჩვენი ოსტატის დაბრუნებას, რომელმაც მთელი თავისი ცხოვრება შესწირა ამ ტაძრის, ანუ ეკლესიის საიდუმლო მშენებლობას".

"...ჩვენ უნდა ვიდოდეთ უმაღლესი საფეხურებისკენ, რადგან ის, ვინც პირველ საფეხურზეა პრაქტიკულად უცოდინარია"... მან არაფერი იცის იმის შესახებ, რაც თვალს არ უნახავს და ყურს არ სმენია. სულიერი ხედვა და სულიერი წინამძღოლობა მხოლოდ ღვთაებრივ მასონობას გააჩნია, მხოლოდ მას ძალუძს წვდომა იმ საგნებისა, რომლებიც თავისუფლად გვეძლევ. ეს არის ის, რაც თავისუფლად ეძლევა მხოლოდ ერთ კლასს და სხვებისთვის როდია ხელმისაწვდომი".

ანუ, ჩარლზ ტეიზ რასელი აღიარებს, რომ დაკავშირებული იყო იმ ანტიქრისტეანულ, საიდუმლო ორგანიზაციასთან, რომელსაც დასაბამი მიეცა ტაძართა მშენებლობის შუასაუკუნეობრივ ტრადიციებში.

ზემოთდასახელებული სტატია გამოქვეყნებული იყო საზოგადოების "INTERNATIONAL BIBLE STUDENTS ASSOCIATION, Brooklyn, New York, U.S.A" (რომელიც, თავის მხრივ, წარმოადგენს იეღოვას მოწმეთა მთავარი კორპორაციის WATCH TOWER BIBLE AND TRACT SOCIETY OF PENNSYLVANIA) სპეციალურ ბეჭდვით გამოცემაში სახელწოდებით: "პასტორ რასელის საუბარი - "ღმრთის ტაძარი" (სტატიას შეგიძლიათ გაეცნოთ საიტზე:
http://ctr-rlbible.com/?p=233).


ფოტო ჩარლზ რასელის სტატიიდან, სადაც ის აღიარებს, რომ არის მასონი (იხ. წითლად ხაზგასმული წინადადება და შემდგომიც)


რასელის სიტყვების მნიშვნელობა რომ გავიგოთ, აუცილებელია ვიცოდეთ, რომ შენობა, რომელშიც ჩ. რასელი 1913 წელს სიტყვით გამოვიდა, საგუშაგო კოშკის (Watch Tower) საზოგადოებამ მასონური ორგანიზაციებისგან შეიძინა. ამიტომაც ამბობს რასელი, რომ ეს შენობა ოდესღაც იყო მასონთა ტაძარი (თუმცა ის უკვე აღარ იყო ასეთი რასელის მიერ სიტყვის წარმოთქმის მომენტში). შემდეგ, მისი სიტყვა გრძელდება იმავე ბუნდოვან სტილში: რასელი ამბობს, რომ ყველანი, ვინც მოვიდა ამ დარბაზში _ მასონები, და თვითონაც _ არიან თავისუფალი მასონები. გამოსვლის პროცესში, ის უკვე განმარტავს ამ მტკიცებულების მნიშვნელობას და აჩვენებს თუ რა ანათესავებს რასელსა და საგუშაგო კოშკს მასონებთან და "ჭეშმარიტების" წვდომის მათეულ მეთოდებთან.

აღსანიშნავია, რომ თავისი პუბლიკაციების "შესალამაზებლად" ჩ. ტ. რასელი იყენებდა მასონურ სიმბოლოებს, მაგრამ მხოლოდ "შესალამაზებლად"? აშკარაა, რომ ის მასონურ სიმბოლიკას იყენებდა, როგორც უფლებამოსილი პირი. მოდი, ვიხილოთ ამგვარი "შელამაზების", უფრო სწორედ კი, "კანონიერი" გამოყენების, რამდენიმე ნიმუში. მაგალითად, "საგუშაგო კოშკის" გარეკანზე 1891 წლიდან 1931 წლამდე გამოისახებოდა "ჯვარი და გვირგვინი" (წიგნი "Возвещатели царства", стр. 200). იხილეთ, მაგალითად, ამ ჟურნალის 1928 წლის გამოცემის გარეკანი, რომლის ზედა, მარცხენა კუთხეში გამოსახულია ეს მასონური სიმბოლო.



როგორც იეღოვას მოწმეთა ამავე პუბლიკაციაშია ნათქვამი, "ბიბლიის მკვლევარები (ასე იწოდებოდნენ იეღოველები 1931 წლამდე), სხვათაგან განსხვავების ნიშნად, დიდი ხნის განმავლობაში ატარებდნენ ჯვარსა და გვირგვინს". განსაკუთრებით მე-20 საუკუნის 20-იან წლებში... აი, ამ "ნიშნისა და გულსაბნევის (ბროშის)" (ასე უწოდებდნენ მას თვით იეღოვას მოწმეები "საგუშაგო კოშკის" ერთ-ერთ გამოცემაში (01.01.2000)) გამოსახულება, რომელიც აღებულია წიგნიდან "Возвещатели", გვ. 200.



ეხლა იგივე "ბროში" შეადარეთ ტეხასელ მასონთა სამკერდე ნიშანს:



სახეზეა სრული იდენტურობა. ლაპარაკიც კი არ შეიძლება რაიმე დამთხვევაზე ან "შელამაზებაზე". მეტიც, შესაძლოა იმ დასკვნამდეც კი მივიდეს კაცი, რომ იეღოვას მოწმეები და ტეხასელი მასონები არიან ერთი და იგივე ორგანიზაციის წევრები!

თვით მასონები აღიარებენ, ეს სიმბოლო (გვირგვინი და ჯვარი) ეკუთვნის იორკისა და შოტლანდიური წესის მასონ-ტამპლიერებს.

"The Cross and Crown may be said to be confined almost exclusively to the historical degrees in Masonry as exemplified in the various orders of knighthood of York and Scottish rites. In Gaul we find the cross to have been a solar symbol when it had equal arms and angles; to the Phoenicians it was an instrument of sacrifice to their God, Baal; and to the Egyptians, the crux ansata was his symbol of eternal life" (Ray V. Denslow, Masonic Portraits, Transactions of this Missouri Lodge of Research, vol. #29, p.7---emphasis in the original).

ამიტომაც, არსებობს მოსაზრება, რომ ჩ. ტ. რასელმა, ამ ორდენში, რომელის გავრცელებული იყო აშშ-ში მიაღწია ყველაზე მაღალ გრადუსებს ანუ განდობის საფეხურებს. შეხედთ ტამპლიერთა ორდენის იორკის რიტუალის მასონური სტრუქტურის ქვემოთ მოტანილ გრაფიკს (
http://www.theforbiddenknowledge.com/hardtruth/masonic_structure.jpg).

გრაფიკიდან ჩანს, რომ განდობის 32-ე და 33-ე საფეხურები (გრადუსები) არის სწორედ "ჯვარი და გვირგვინი".



ყოველივე აქედან გამომდინარე, ჩვენ უნდა მივიღოთ იეღოვას მოწმეთათვის წარმოუდგენელი დასკვნა, კერძოდ, ის, რომ: ჩარლზ ტეიზ რასელი იყო აშშ-ს მასონთა იორკის რიტუალის ყველაზე მაღალი განდობის მქონე ტამპლიერი; თუ არადა, როგორ შეეძლო მას გამოეყენებინა ეს ემბლემა? უნდა გავითვალისწინოთ, რომ აშშ-ში, იმ პერიოდში უკვე არსებობდა სასაქონლე ნიშნისა და საავტორო უფლებების ცნებები და ისეთი მძლავრი ორგანიზაცია, როგორიც იყო ამერიკული მასონობა არავის მისცემდა ვიღაც თვითმარქვიას საკუთარი მიზნებისთვის გამოეყენებინა მათი უმაღლესი განდობის აღმნიშვნელი სიმბოლო.

ეს საკითხი კიდევ უფრო ღრმა შესწავლას იმსახურებს, მაგრამ, რასელის პირადმა მტკიცებამ, რომ ის არის "თავისუფალი ქვისმთლელი" (ანუ მასონი) და მის მიერ გამოყენებულმა მასონურმა სიმბოლიკამ საფუძველი მისცა ვარაუდს, რომ ის იყო 32 ან 33 საფეხურის მასონი.

მეტიც, ასეთი მტკიცება ეთანხმება ისტორიულ ფაქტებსაც და შესაძლებლობას გვაძლევს გავიგოთ, თუ რატომ გააჩნდა რასელის მიერ დაფუძნებულ რელიგიურ ორგანიზაციას, რომელსაც დღეს "იეღოვას მოწმეებს" უწოდებენ, ანტიქრისტიანული მიმართულება; თუ რატომ ცდილობდა მასონი რასელი უფალ იესუ ქრისტეს დამცირებას და ჩამოჰყავდა იგი მთავარანგელოზ მიქაელის რანგში; რატომ გააჩნდა მასონ რასელს მძლავრი მიდრეკილება ისეთი ოკულტური საგნებისადმი, როგორიცაა ეგვიპტის პირამიდები; რატომ უყვარდა მას ასე ციფრების მაგია და მომავლის წინასწარმეტყველება.

იქმნება შთაბეჭდილება, რომ ეს ყოველივე ხდებოდა ერთი უბრალო მიზეზის გამო (და სხვა ვარიანტი აქ გამორიცხულია), _ მასონი რასელი ასრულებდა საკუთარი ბოსების შეკვეთას და მისი მტკიცებულებები დაფუძნებული იყო იმ "ჭეშმარიტებებზე", რომლებიც ჩაუნერგეს მას მისმა მასონმა მოძღვრებმა.


* * * * * * * * * * * * * * * * * * * * * * * * *



იეღოველთა წიგნები ეგვიპტურ "ღმერთ" ხორუსისის ფრთების გამოსახულებით




ეგვიპტური "ღმერთის" ხორუსის ფრთები იეღოველთა ერთ-ერთ შტაბ-ბინაზე


სადღეისოდ იეღოვას მოწმეებმა უარი თქვეს ჯვარზე და ისიც კი მოიგონეს თითქოსდა ქრისტე გააკრეს ბოძზე და არა ჯვარზე. მაგრამ სექტის არსებობის პირველ ხანებში ჯვრის გამოსახულება აქტიურად გამოიყენებოდა, თუმცა მასონურ და მკრეხელურ ინტერპრეტაციებში.





წინამდებარე ბროშურის (რომლის სახელწოდებაა: "სიონის საგუშაგო კოშკი" (Zion's watch tower) შუაში თქვენ ხედავთ წაქცეულ ჯვარს, რომელიც მოქცეულია მასონურ გვირგვინში (სიმბოლურად აღნიშნავს მასონობის მიერ ქრისტეანობის "დატყვევებას", დამარცხებას). იეღოველებმა სადღეისოდ სიტყვა "სიონიც" ამოიღეს (ალბათ ჩათვალეს, რომ ეს სიტყვა მეტად ააშკარავებს მათი მოძრაობის ჭეშმარიტ ხასიათს).



იეღოვას მოწმეთა დამფუძნებლის და მამამთავრის, ჩარლზ ტეიზ რასელის საფლავი. პირამიდის სახის მონუმენტი, რომლის სამკუთხა ზედა ნაწილს "ამშვენებს" თვალი, ხოლო ქვედა ნაწილში გამოსახულია მასონების 32-ე და 33-ე გრადუსების სიმბოლო _ ჯვარი და გვირგვინი.



იგივე პირამიდა (ჩარლზ ტეიზ რასელის საფლავი). უკან, გზის ბოლოს ჩანს მასონური ტაძარი. ხოლო პირამიდის ზედა ნაწილზე წაქცეული ჯვრისა და გვირგვინის მასონური სიმბოლო.



მასონურ ტაძარში: "ჯვრისა და გვირგვინის" გამოსახულება არის თანამედროვე ტამპლიერთა და ცნობილი სექტის, "ქრისტეანული მეცნიერების" სიმბოლო (სექტის დამაარსებელია ედდი მერი ბეკერი). ამ სექტის მთავარი წიგნის, "მეცნიერება და ჯანმრთელობა" სატიტულო გვერდზე და ყდაზე გამოსახულია ჯვრისა და გვირგვინის მასონური სიმბოლო. მასონობაში დახრილი ჯვარი სიმბოლოდ გვირგვინის გარეშეც გამოიყენება.

წყარო: http://mmoutreachinc.com/jehovahs_witnesses/russell_mason/wasrussellmason.html

 
TOP. GE
Назад к содержимому | Назад к главному меню