ხელოვნება - ჩვენ მხოლოდ თქვენი სული გვჭირდება 7 - Apocalypse

ძიება
Перейти к контенту

Главное меню:

აპოსტასია > ხელოვნება

უ. ბოიმერი

"ჩვენ მხოლოდ თქვენი სული გვჭირდება"

როკ-სცენა და ოკულტიზმი: თარიღები, ფაქტები, კომენტარები

თავი 1; თავი 2; თავი 3; თავი 4; თავი 5; თავი 6;
თავი 7; თავი 8; თავი 9

თავი მეშვიდე

ჰევი მეტალი

დამცრობა თუ გაზვიადება?


როკ-სცენის იმ მოვლენათა გამოკვლევისას, რომელთაც უშუალო კავშირი აქვთ ოკულტიზმთან, გამუდმებით ვხვდებით შემდეგ პრობლემებს:

1. მიჩუმათება და გასაიდუმლოება.

ეზოთერული და ოკულტური საქმიანობა იმაზეა დამოკიდებული, რომ ამ საქმით დაკავებული ადამიანები ყოველივეს ღრმად საიდუმლოდ ინახავენ საზოგადოებისგან. ფარული ოკულტური ლოჟები, ჩვეულებრივ, მდუმარების კედლებით შემოიზღუდავენ თავს. ვინც გაბედავს და მათს ოკულტურ წრეში შეიჭრება, ანდა პირიქით, დასტოვებს მას, იგი საფრთხის წინაშე დააყენებს საკუთარ სიცოცხლეს. ეს კეთილხელსაყრელ პირობებს ქმნის მუსიკოსებისა და როკ-ჯგუფებისთვის, რომლებიც აქტიურად არიან დაკავებულნი ოკულტიზმით.

2. მოურიდებელი რეკლამირება.

მეორეს მხრივ, დღეს ისე, როგორც არასდროს, მაგიას და ოკულტიზმს გამოიყენებენ რეკლამის მიზნით, რათა ფული გააკეთონ. ამ გაზრდილ ინტერესს ოკულტიზმისადმი - ე. წ. "ოკულტურ აფეთქებას" ხერხიანად იყენებენ კომერსანტები და უსინდისო ადამიანები. არ უნდა დაგვავიწყდეს, რომ როკ-ჯგუფების ზურგს უკან, რომელთაც ხელშეკრულებები აქვთ დადებული გრამფირფიტების წარმოებაზე, საქმოსანი მეწარმეები დგაგან; მათი უმრავლესობისთვის ყველა საშუალება კარგია გასამდიდრებლად (მათ შორის ოკულტურიც კი); ისინი მხოლოდ კონცერტებისგან, ფირფიტის გაყიდვისგანაც და ა. შ. მიღებულ "წკრიალა ოქროზე" ზრუნავენ. ამასვე დიდად უწყობს ხელს სენსაციაზე დაგეშილი როკ-პრესაც.

3. ცნობისწადილი თუ წარმატების იმედი?

მუსიკოსებისა და ორკესტრების მისწრაფება ოკულტიზმისკენ ბევრწილად გამოწვეულია მათი ცნობისწადილით, ანდა იმედით, რომ ამ გზით მალე მიაღწევენ დიდ წარმატებას.

მეორე და მესამე პუნქტში აღნიშნულთან დაკავშირებით ხშირად ვხვდებით ძლიერ წინააღმდეგობას. კრიტიკოსები თვლიან, რომ ჩვენი შეფასება როკ-სცენაზე ოკულტიზმის ზეგავლენისა ან გადაჭარბებულია, ანდა სულაც არ შეესაბამება სინამდვილეს, იმიტომ, რომ თვით ოკულტური ჯგუფები სულაც არ იღებენ სერიოზულად ყოველივე იმას, რასაც უკრავენ და მაყურებელს უჩვენებენო; ყველაფერი ეს, თითქოს მხოლოდ რეკლამას ემსახურებაო და ა. შ. ... თუმცა სხვა სახის კონტრარგუმენტებსაც ვხვდებით. მაგალითად, შეიძლება მოვიყვანოთ ანონიმური წერილი ჯგუფ AC/DC - ის შესახებ გავრცელებულ პროკლამაციებთან დაკავშირებით.

"... არიან ადამიანები, რომლებიც ამგვარ სიბინძურეს წერენ, ოღონდ კი ახალი წევრები მიიზიდონ თავიანთ სექტაში. ის, რის შესახებაც ისინი გვაუწყებენ, კარგად არის ცნობილი. ყოველმა ბავშვმაც კი იცის, რომ AC/DC იმაზე მღერის, რაც თვითონ არა სწამს და რომ ბონ სკოტის სიკვდილში ისინი დამნაშავენი არ არიან. ჩვენც გვწამს ღმერთი, რომელმაც იცის, რომ ეს უბრალოდ მათი სტილია. და შეიძლება თვით ისინი მოხვდნენ მათზე ადრე ჯოჯოხეთში, ვინც ასე ტალახში სვრის მუსიკოსებს".

ამგვარ კრიტიკულ გამოსვლათა შედეგად უნდა მოვახდინოთ დიფერენცირებული შეფასება იმ როკ-ჯგუფებისა, რომელთაც აშკარა კავშირი აქვთ ოკულტიზმთან. ამ ურთიერთობათა საფუძვლიანი ანალიზი საშუალებას მოგვცემს გარკვეული დასკვნები გამოვიტანოთ.

ჩვენს ოპონენტთა შეპასუხებანი, თითქოს ოკულტიზმით გატაცებული როკ-ჯგუფები უწყინარნი არიან, რადგან მხოლოდ ეთამაშებიან, ეკეკლუცებიან ოკულტიზმს და რეკლამის მიზნით იყენებენ მას, ანდა თითქოს დამშვიდებული სინდისით შეიძლება ოკულტური როკ-მუსიკის მოსმენა - "ოღონდ, რა თქმა უნდა, არა იმისთვის, რომ თაყვანი ვცეთ სატანას", არამედ ამ ჯგუფის "სუპერტონის" გულისთვის, - ყველა ეს შეპასუხება შესანიღბავი მანევრია, რათა ჩვენი ყურადღება მოადუნონ. ამის დასამტკიცებლად მოვიყვანთ შემდეგს:

1. ცნობილია, რომ არსებობენ ისეთი როკ-ჯგუფები, რომელნიც მოგების მიზნით ისწრაფვიან ოკულტური ჯგუფების რეპუტაცია ჰქონდეთ. მაგრამ ოკულტიზმთან შეთამაშების, კეკლუცობის დროს ჯგუფის წარმატების საკითხი უკანა პლანზე გადადის, - არსებითი კი აქ ის ხდება, რომ მუსიკოსები ღია კარებს სთავაზობენ სატანას, რომლითაც ამ უკანასკნელს ყოველთვის შეეძლება ისარგებლოს. სხვა სიტყვებით რომ ვთქვათ, სატანისთვის განურჩეველია ვინ და რა მიზეზით უკეთებს რეკლამას ოკულტიზმს როკ-მუსიკით. იმასაც არა აქვს არსებითი მნიშვნელობა, თავისი მრწამსიდან გამომდინარე უწევს როკ-ჯგუფი ოკულტიზმს პროპაგანდას, თუ მხოლოდ "თავშესაქცევად" და "სახუმაროდ" აცთუნებს ადამიანებს. ყოველივე ამის შედეგების შესახებ როქველი შემდეგს წერს:

"მოზარდები აღიარებენ და სულ უფრო მეტად ეთაყვანებიან სატანას, მონაწილეობენ სხვადასხვა ჯადოსნური კულტების შესრულებაში, იზეპირებენ მაგიურ ლექსებს, აგრეთვე ხშირად მიმართავენ ჯადოქრებსა და ასტროლოგებს, ასრულებენ ფანტასტიურ ოკულტურ ქმედებებს და საკუთარ თავს ჯადოქრებს, ალქაჯებსა და სატანის სხვა მსახურებს მიუძღვნიან სრულ განკარგულებაში".

2. როკ-ჯგუფი, რომელიც ეკეკლუცება, ეთამაშება ოკულტიზმს, ავტომატურად უხსნის საკუთარ თავს სატანური ძალების ზემოქმედებას და ხიფათის ქვეშ იმყოფება, რადგან სანამ მას ეს ხუმრობა-თამაში მოსწყინდებოდეს, იგი სატანური ძალით სავსებით სერიოზულად იმოქმედებს მასზე, რადგან ბოროტი სული სერიოზულად აღიქვამს ოკულტურ თამაშებს. ამიტომ, საშინელი ფაქტის კონსტატირება უნდა მოვახდინოთ: მისკენ გაწვდილ თითოეულ ხელს სატანა, ადრე იქნება თუ გვიან, უსათუოდ რკინისებურად ჩაიჭერს და უკვე აღარც გაუშვებს! ვინც ცეცხლში შეჰყოფს ხელს, აუცილებლად დაეწვება, და აქ არანაირი მნიშვნელობა არა აქვს, სჯერა თუ არა მას ცეცხლის დამწველი ძალის. მრავალრიცხოვანი ფაქტები ცხადად ადასტურებენ იმას, რომ ოკულტურ სამყაროსთან აქტიური თანამონაწილეობა არასდროს არ მთავრდება მძიმე შედეგების გარეშე. ზოგიერთნი ამბობენ: "მე ხომ ეს უბრალოდ ხუმრობის გულისთვის გავაკეთე. ცნობისმოყვარეობის დასაკმაყოფილებლად?!" რაზეც, ერთ ერთმა გამოცდილმა სულიერმა მოძღვარმა ასე მიუგო: "შენი მდგომარეობა გაცილებით უკეთესი იქნებოდა, სახლში შხამიანი გველი რომ შემოგხვეოდა, ვიდრე ოკულტიზმთან დაკავშირება".

საკუთარი გრძნობები ამასთან დაკავშირებით მე შემიძლია დენის ვიტლის სიტყვებითაც გადმოვცე:

"პირადმა გამოცდილებამ იმ დასკვნებამდე მიმიყვანა, რომ ოკულტიზმის სამყაროსთან თანამონაწილეობა ძალზე დიდ საშიშროებას შეიცავს ადამიანისთვის".

3. როცა როკ მუსიკოსი კარს უღებს დემონურ ძალებს და ამის შედეგად ერთ ან რამდენიმე თანმხლებ ბოროტ სულს მიიღებს თავის არსებაში, მაშინ ისინი გამუდმებით მასთან, მის მახლობლად იმყოფებიან და საიდუმლო ძალების ოკულტური "ენერგიის" მატარებლად შექმნიან მას. ამ დემონური ენერგიის მეშვეობით მუსიკოსს უნარი აქვს მედიალურ დონეზე მიმართოს თავის მსმენელთ და პირობებიც შექმნას ამ ძალების შეღწევისთვის თავის მსხვერპლთა ქვეცნობიერებაში.

ამის განმაპირობებელი წინამძღვარია ადამიანის აქტიური შეგნების ზღუდეთა მოშლა, როცა მისი სული იხსნება ბოროტ სულთა წინაშე და ისინიც გამუდმებით მასთან, მის მახლობლად იმყოფებიან და საიდუმლო ძალების ოკულტური "ენერგიის" მატარებლად შექნიან მას. ამ დემონური ენერგიის მეშვეობით მუსიკოსს უნარი აქვს მედიალურ დონეზე მიმართოს თავის მსმენელთ და პირობებიც შექმნას ამ ძალების შეღწევისათვის თავის მსხვერპლთა ქვეცნობიერებაში.

ამის განმაპირობებელი წანამძღვარია ადამიანის აქტიური შეგნების ზღუდეთა მოშლა, როცა მისი სული იხსნება ბოროტ სულთა წინაშე და ისინიც ადვილად აღწევენ მასში. ნებელობისა და გონების მოქმედების სრული უარყოფით ("პასიურობის" მდგომარეობა) შესასვლელი კარი ეხსნებათ უცხო სულებს ადამიანის ქვეცნობიერ შრეებში შესაღწევად. აქტიური გონება წინაღობაა დემონების ზემოქმედებისთვის ადამიანზე. ამიტომ მათი უშუალო მიზანია, გონების ჩაგდება პასიურ მდგომარეობაში, ანუ ისეთი ვაკუუმის შექმნა, რომელშიც მათ შეეძლებოდათ შესვლა. ამიტომაც ძალზე დიდ ხიფათს უქმნიან საკუთარ თავს ის ადამიანები, რომლებიც გამორიცხავენ ოკულტური ძალების ზეგავლენის შესაძლებლობას ადამიანების სულზე. ამიტომაც, ასე სერიოზულად გვაფრთხილებს საღმრთო წერილი: "განიფრთხვეთ, მღვიძარე-იყვენით, რამეთუ წინა-მოსაჯული (მტერი) თქვენი ეშმაკი ვითარცა ლომი მყვირალი მიმოვალს და ეძიებს, ვინმცა შთანთქა, რომელსა წინა-აღუდეგით მტკიცენი სარწმუნოებითა" (1 პეტრე 5:8).

ერთ-ერთი ყოფილი სატანისტი მოწმობს, რომ როკ-ჯგუფმა "პინკ-ფლოიდმა" კონცერტის დროს მედიალურ დონეზე აცნობა დარბაზში მყოფ სატანისტებს, რომ ზოგიერთი მუსიკოსი "მათთაგანია".

ცნობილი გიტარისტი ჯიმი ჰენდრიქსი სიკვდილის წინ ღრმად ჩაეფლო სატანიზმში. მან მოუთხრო მეგობრებს, რომ იხილა ჩვენებები, კავშირი დაამყარა სულებთან და 1969 წლის აგვისტოში ვუდსტოკში გამართული ფესტივალის დროს ბევრი ამოუცნობი მფრინავი ობიექტი ნახა. ერთხელ კი მან შემდეგი აღიარა:

"მუსიკით ადამიანთა ჰიპნოზირება შეიძლება, და როცა ამ გზით გამოჩნდება სუსტი ადგილი, მათს ქვეცნობიერებაში ყოველივე იმის ჩანერგვა შეგვეძლება, რასაც კი მოვისურვებთ... მუსიკა ჰაეროვანი სივრციდან იღვრება, ამიტომ მე ძალმიძს კავშირი მქონდეს სულებთან.

 
TOP. GE
Назад к содержимому | Назад к главному меню