ხელოვნება - ჩვენ მხოლოდ თქვენი სული გვჭირდება 6 - Apocalypse

ძიება
Перейти к контенту

Главное меню:

აპოსტასია > ხელოვნება

უ. ბოიმერი

"ჩვენ მხოლოდ თქვენი სული გვჭირდება"

როკ-სცენა და ოკულტიზმი: თარიღები, ფაქტები, კომენტარები

თავი 1; თავი 2; თავი 3; თავი 4; თავი 5;
თავი 6; თავი 7; თავი 8; თავი 9

თავი პირველი

როკ-ენ-როლი

"ავტოსტრადა ჯოჯოხეთში"

ჰევი მეტალი და ბლექ მეტალი


თვალშისაცემია ის, რომ თითქმის ყველა ჯგუფი, რომელიც ღიად მიმართავს ოკულტიზმს, განეკუთვნება მძიმე როკისა (hard rock) და მძიმე მეტალის (heavy metal) მიმართულებებს.

მუსიკათმცოდნე ტიბორ კნაიფმა "ჰარდ-როკს" ესთეტიურად გარდაქმნილი ტერორი უწოდა, რომელსაც "გამოცდილი ფსიქიატრივით შეუძლია კვლავ და კვლავ შეაძრწუნოს თავისი მსხვერპლი". მძიმე როკ მუსიკის ეს თავისებურება შესაძლებელს ხდის გამოყენებულ იქნას სატანური შინაარსის მქონე შეტყობინებების გადასაცემად. ჯგუფ "ბლაქ საბათის" ბასისტმა სიმღერების ოკულტურ მიმართულებაზე აღნიშნა: "მძიმე მუსიკა ყველაზე მოხერხებულია მძიმე ტექსტების გადმოსაცემად".

ტიბორ კნაიფს მძიმე როკის მეორე განმასხვავებელ თვისებად მიაჩნია "Zelebration von Gewalt" (ანუ "ძალის მსახურება"), ფენომენი, რომელიც სიამოვნებით ერთიანდება ნებისმიერ ანტიქრისტეანულ იდეალთან. წარსულს ჩაბარდა ის დრო, როდესაც როკ-ენ-როლის მეამბოხენი შემოიფარგლებოდნენ თავისუფალი სექსის, ნარკოტიკებისა და უხამსი გამონათქვამების პროპაგანდით, - ამჯერად უმღერიან ჯოჯოხეთსა და სატანას.

ოთხმოციანი წლების დასაწყისში ჩამოყალიბდა ჰევი-მეტალის ახალი თაობა, რომლის მრავალი წარმომადგენელი ბაძავს "ბლექ საბათს", თავის გარშემო იკრებს ბოროტების ძალებს, თავის სიმღერებში მოუწოდებს სატანას და პრესის წინაშე პოზირებს შავი მესის რიტუალის პოზებში. მათი გრამფირფიტების გარეკანი საშინელებათა ნებისმიერ ოთახს დაამშვენებდა.



ჯგუფი Demon


ჯგუფ "დემონის" ვოკალისტმა განაცხადა: "ჩვენ თავიდანვე გვსურდა გვქონოდა დემონური რეპუტაცია და სხვა რა სახელი შეიძლება მოერგოს მძიმე როკ ჯგუფს თუ არა "დემონი"?! ახალგაზრდობაში გადარეულები ვიყავით "ბლექ საბათზე", ახლა კი ისე გვსურს დაკვრა, როგორც უკრავდნენ ერთ დროს ჩვენი კუმირები, ოღონდ უფრო მძიმედ". გრამფირფიტების სახლწოდებათა შერჩევითი ჩამონათვალიც კი კარგად აჩვენებს თუ რითი არიან დაინტერესებულნი ახალი ჰევი მეტალ ჯგუფები: "უყვირე ეშმაკს" ("Motley Crue"), "დემონის ღამე" ("Demon"), "ცეცხლი ჯოჯოხეთიდან" ("Mass"), "შევხვდებით ჯოჯოხეთში" ("Grim Reaper"), "მომეცი ჯოჯოხეთი" ("Witchfynde"), "ჯოჯოხეთის მეგობრები" (Witchfinder General) და სხვა მრავალი.

ამ სიმღერების სახელწოდებები "ანტიქრისტედან" და "შავი მაგიიდან" იცვლება ვიდრე მკრეხელურ სიმღერამდე "ღმერთმა აკურთხოს მხეცის შვილები" ("God Bless the Children of the Beast"), რომელიც დაწერა ჯგუფმა "Motley Crue".



ჯგუფი Venom


თუმცა ვერც ერთი ზემოთჩამოთვლილი ჯგუფი ახლოსაც კი ვერ მივა ჯოჯოხეთურ ჯგუფთან "Venom" (შხამი). ჯგუფის სამი მუსიკოსი: კრონოსი, მანტასი და აბადონი - თაყვანს სცემენ სატანას, როდესაც "ძველი გველის" (გამოცხ. 20:2) შხამს უგალობენ.

ჰევი მეტალისადმი მიძღვნილი ერთ ერთი ჟურნალი იუწყება, რომ "Venom"-მა მთლიანად მიუძღვნა თავი ბლექ მეტალს (შავ მეტალს), ჰევი მეტალის ყველაზე ექსტრემალურ და სასტიკ ფორმას. მას ძლივს თუ შეედრება ოზი ოსბორნი ან ჯგუფები "Accept" და "Judas Priest". მიუხედავად იმისა, რომ "ბლექ საბათმა" ჯერ კიდევ 1970 წელს ერთ ერთმა პირველმა დაიწყო ოკულტური, მაგიური და სპირიტისტული თემების დამუშავება თავის სიმღერებში, არავის ისეთი მოშურნეობითა და მონდომებით არ დაუწყია შავი ოკულტიზმის ქადაგება, როგორც "Venom"-ს. მათი სიმღერებში ლაპარაკია მხოლოდ სატანაზე, ჯოჯოხეთზე, სიკვდილსა და ეშმაკებზე"



venom - ის ფირფიტები: "ბრძოლაში სატანასთან ერთად", "შავი მეტალი" და "კეთილი იყოს თქვენი მობრძანება ჯოჯოხეთში"


ყველაზე ცნობილი სიმღერები: "სატანის შვილები", ("Sons of Satan"), "ჯოჯოხეთის შვიდი კარიბჭე" ("Seven Gates of Hell") და "დამტოვე ჯოჯოხეთში" ("Leave Me in Hell"), ასევე ამ ჯგუფის სამი სხვა ფირფიტა: "კეთილი იყოს თქვენი მობრძანება ჯოჯოხეთში" ("Welcome to Hell"), "შავი მეტალი" და "ბრძოლაში სატანასთან ერთად" ("At War with Satan"), საფუძვლიანად ადასტურებს ამ დასკვნას.

სცენაზე "Venom"-ი ასრულებს შავი მესის მსგავს "სატანურ მეტალს", რომელსაც თან მრავალჯერადი აფეთქებები ახლავს. თავის ინტერვიუში ჯგუფის წევრები არ მალავენ, რომ საკუთარ თავს სატანის მარჯვენა ხელად მიიჩნევენ დედამიწაზე.

""Venom"-ი უკვე აღარ არის ჰევი მეტალის მუსიკა, ეს თითქმის კულტია", - ასე დაახასიათა ჯგუფი მძიმე მეტალის ერთ ერთმა თაყვანისმცემელმა. ამ ჯგუფმა ისეთი პოპულარობა მოიპოვა, რომ მისი გერმანული ფან-კლუბი მკითხველთა ფოსტას ვერ აუდის.

მიუხედავად იმისა, რომ ამ სამ როკერს საკმაო ცოდნა დაუგროვებია ოკულტიზმსა და დემონიზმში, ამტკიცებენ, რომ არ არიან ეშმაკის თაყვანისმცემლები როგორც, მაგალითად, კინგ დაიმონდი (ჰევი-მეტალ ბენდ "მერსიფულ ფეიტის" ლიდერი). სიმღერებით "შავი დაკრძალვა" ("Black Funeral") და "შავ მესსა" ("Blac Masses"), ასევე სცენაზე გაჩაღებული საკულტო რიტუალებით, რომლის უმთავრესი რეკვიზიტებია სისხლი, ძვლები და სამსხვერპლო, "Mercyful Fate" ბოროტებას მოუწოდებს.



ერთ-ერთ როკ-ჟურნალი გვამცნობს, რომ ამ ჯგუფის კონცერტზე "სცენაზე, პირდაპირ ჯოჯოხეთიდან გამოდის - მეფე დემონი! ათი ათასი ფანატიკოსი ხელგაწვდენილი ესალმება სატანას! ბორგავს ბრბო და თითოეულ სიმღერას ყვირილითა და ისტერიით აცილებს, - ასე ასრულებს "Mercyful Fate" სიგიჟის სცენას..."

ჟურნალისტი, რომელმაც ინტერვიუ ჩამოართვა ჯგუფის ლიდერს და ვოკალისტს კინგ დაიმონდს, ასკვნის: "თქვენი ტექსტები და სცენა ექსტრემალურად სატანურია! თუმცა, ცხოვრებაში ჩვეულებრივი ადამიანის შთაბეჭდილებას ტოვებთ". პასუხი: "უნდა ითქვას, რომ ცხოვრებაში მე ისეთივე ვარ, როგორც სცენაზე. მე ძალიან მაინტერესებს სატანიზმი. ვაგროვებ ჯვრებსა და რელიკვიებს, რომლებიც ეკლესიებში ავიღე. როდესაც ადამიანებს მესსებზე ან შელოცვებზე ესმით, მათ ყრმათა მსხვერპლშეწირვისა ან ადამიანის შეწირვის შთაბეჭდილება რჩებათ და ეს შეხედულება ფართოდაა გავრცელებული". კითხვა: "როდესმე გქონია უსიამოვნებანი ეკლესიასთან, შენი გამოსვლების გამო?" პასუხი: "მე ვერ ვუწოდებდი ამას უსიამოვნებას. როდესაც ერთხელ მღვდლებთან და სარწმუნოების სხვა წარმომადგენლებთან რადიოდისკუსიაში მიმიწვიეს, თავიდან მედგრად შემომიტიეს, მაგრამ შემდეგ იძულებულნი გახდნენ ეღიარებინათ, რომ ჩემს მიერ ამ სფეროში მოპოვებული ცოდნა არის საკმაოდ საფუძვლიანი".



მრავალი ჯგუფი მიიჩნევს, რომ სატანური "ობერტონები" ყოველთვის ჰპოვებენ გამოძახილს პუბლიკაში და ხელს უწყობენ ფირფიტების გაყიდვას, ასევე კონცერტებზე დამსწრე პუბლიკის მრავალრიცხოვნებას. ზოგიერთი ჯგუფისთვის სატანიზმი მეტ-ნაკლებად ნიშნავს მხოლოდ ოკულტიზმთან გათამაშებას და გაშარჟებას, იმ დროს, როდესაც სხვები მას ეკიდებიან მთელი სერიოზულობით.

როკ-სცენა წარმოადგენს საკმაოდ ჭრელ სურათს: ჯგუფებიდან ერთნი შეგნებულად არიან დაკავებულნი სატანიზმით, მეორენი კი ცდილობენ ამ ფორმით მოახდინონ ფურორი და სენსაცია. არიან ისეთებიც, რომლებიც თავიანთ გამოსვლებში ერთმანეთს უხამებენ სატანიზმის საფუძვლიან პროპაგანდასა და სპექტაკლის ელემენტებს.


ვის რეპრეზენტაციას ახდენს AC/DC?



ყოველივე ზემოთთქმულთან დაკავშირებით უნდა ვახსენოთ ცნობილი ავსტრალიური ჯგუფი AC/DC, რომლის დადგმებში ჭარბობს ჯოჯოხეთისა და სატანის თემები. AC/DC ინგლისურიდან მუდმივ და ცვალებად დენს ნიშნავს, ხოლო ავსტრალიურ ჟარგონზე მასში მოცემულია მითითება ბისექსუალურობაზე.

ბნელი თემებით გატაცებამ გამოიწვია AC/DC-ს სხვაგვარი განმარტებაც. ერთი როკ-ავტორი წერს: "მე ავირჩიე ჰარდ როკ ჯგუფი "AC/DC" იმიტომ, რომ ეს სახელწოდება შემოკლებით აღნიშნავს: "ანტიქრისტე - სიკვდილი ქრისტეს" ("Antichrist, death to Christ"). და ეს ჯგუფი ჯოჯოხეთის ზარებს არისხებს (მაგალითისთვის კმარა სიმღერაც: "Hells' Bells").

1979 წელს ჯგუფმა გამოსცა ალბომი სახელწოდებით "ავტოსტრადა ჯოჯოხეთში" ("Highway to Hell") და ფენომენალურ წარმატებას მიაღწია. ამ სიმღერით ჯგუფმა შექმნა ინტერნაციონალური ჰიმნი, რომელიც დღემდე ჰარდ როკის მიმდევართა მრწამსს წარმოადგენს.

Livin' easy, lovin' free
Season ticket on a one way ride
Askin' nothin', leave me be
Takin' everything in my stride
Don't need reason, don't
Need rhyme
Ain't nothin' I would rather do
Goin' down, party time
My friends gonna be there too

I'm on a highway to hell
On a highway to hell
Highway to hell, I'm on a highway
To hell

No stop signs, speedlimit
Nobody's gonna slow me down
Like a wheel, gonna spin it
Nobody's gonna mess me 'round
Hey Satan, payin' my dues
Playin' in a rockin' band
Hey mama, look at me
I'm on my way to the
Promised land, wow

Don't stop me, hey, hey, hey...
Yeah, an' I'm goin' down
All the way, wow On the highway to hell

იოლი ცხოვრება, თავისუფალი სიყვარული
და აბონემენტი სამუდამო მოგზაურობაში.
არავითარი შეკითხვა, დამანებეთ თავი,
ყველაფერი მიმაქვს მოგზაურობაში.
არ არის საჭირო არავითარი არგუმენტი,
არავითარი ლამაზი ფრაზა,
არავითარი ლამაზი რითმა,
არაფერი ისე არ მწყურია,
ვიდრე ვიყო ქვესკნელის ღრეობაში,
სადაც იქნებიან ჩემი მეგობრები.

მე ვდგევარ ჯოჯოხეთისკენ მიმავალ პირდაპირ გზაზე
ჯოჯოხეთისკენ მიმავალ პირდაპირ გზაზე,
ჯოჯოხეთისკენ მიმავალ პირდაპირ გზაზე,
მე ვდგევარ ჯოჯოხეთისკენ მიმავალ პირდაპირ გზაზე

არავითარი შეზღუდვა სიჩქარისა,
ძირს აკრძალვები,
ვერავინ შემაჩერებს,
მივქრი, ვითარც ბორბალი,
და ვერავინ შემაჩერებს.

ჰეი, სატანა, მე ვიხდი ჩემს ვალებს,
რადგან ვუკრავ როკ-ორკესტრში.
ჰეი, დედა, შემომხედე, -
მე მივდივარ აღთქმულ ქვეყანაში - ჰეია...
ნუ შემაჩერებთ მე, ჰეი, ჰეი, ჰეი...
დიახ, მე ბოლომდე ვივლი ამ გზაზე - ჰეია!
მე მივდივარ პირდაპირ ჯოჯოხეთში.

<iframe width="853" height="480" src="https://www.youtube.com/embed/gEPmA3USJdI" frameborder="0" allowfullscreen></iframe>

სიმღერაში "გზატკეცილი ჯოჯოხეთისკენ" ჯგუფის მუსიკოსებმა ჩადეს ყველაფერი, რასაც კი მათთვის უმთავრესი მნიშვნელობა ჰქონდა. "როკ-ენ-როლი" ეს არის პირდაპირი გზა ჯოჯოხეთისკენ", - ამბობს ჯგუფის გიტარისტი ანგუს იანგი. მაგრამ ვის შეეძლო ევარაუდა, რომ ამ სიმღერას ექნებოდა საშინელი გაგრძელება.

"ნუ გამაჩერებ, ჰეი, ჰეი, ჰეი... მე წავალ ამ გზით ბოლომდე - ჰეია! პირდაპირ ჯოჯოხეთში", - ასე გაჰკიოდა მთელს მსოფლიოში AC/DC-ს ვოკალისტი ბონ სკოტი. 1980 წლის 19 თებერვალს კი მორიგი დროსტარებისა და ღრეობის შემდეგ ის დაიხრჩო საკუთარ ნარწყევში. ჯერ კიდევ 1977 წელს სიმღერაში "Hell ain't a bad Place to be" ამტკიცებდა, რომ "ჯოჯოხეთი არცთუ ისე ცუდი ადგილი უნდა იყოს". ერთი ახალგაზრდული ჟურნალი ასე გამოეხმაურა ბონ სკოტის გარდაცვალებას: "ბოლო თვეებში ბონ სკოტი მღეროდა და ზოგჯერ ჰყვიროდა კიდეც, რომ "მე მივდივარო პირდაპირ ჯოჯოხეთში". და ამას შემთხვევითობას მიაწერენ მაშინ, როდესაც არ უნდათ დაფიქრება. ჩვენი აზრით ბონ სკოტის სიკვდილი უფრო მეტზე ლაპარაკობს: სატანა და ჯოჯოხეთი ეს სათამაშო არ არის. რაც უფრო უდარდელად მოეკიდები ამ საკითხს, მით უფრო ადვილად გახდები საბურთაო ეშმაკისთვის..."

მათ ვინც ელოდა, რომ ბონ სკოტის საშინელი სიკვდილის შემდეგ AC/DC უფრო თავშეკავებული იქნებოდა ჯოჯოხეთის თემატიკასთან დაკავშირებით, იმედი გაუცრუვდათ. ამის ნაცვლად, ჯგუფმა დაწერა ახალი სიმღერა: "ჯოჯოხეთის ზარები" ("Hells' Bells"), რომელშიც ახალმა ვოკალისტმა, ბრაიან ჯონსონმა სატანის სახელით გვაუწყა: "მე ვარ ქუხილი, ღვარად რომ ვღვრი წვიმას. მე თავს ვატყდები ვითარც გრიგალი. ჩემი ელვა კრთის ცის კამარაზე. თუმც ახალგაზრდა ხარ, მაგრამ უნდა მოკვდე".

იყო თუ არა ეს მინიშნება ბონ სკოტის გარდაცვალებაზე? ასეთი რამ არ შეიძლება აიხსნას შავი იუმორით, რადგან სიმღერას აქვს ასეთი გაგრძელება: "მე არავის ვატყვევებ, არ მინდა არავის სიცოცხლე, ვერავინ გაექცევა ჭიდილს. მე მაქვს ზარები და წაგიყვან ჯოჯოხეთში. მე დაგიჭერ... სატანა შენ დაგიჭერს".

ძალიან მალე ცნობილმა ქრისტეანებმა გამოთქვეს პროტესტი, რომელიც უთითებდა იმ საშინელ თამაშზე, რომელსაც ჯგუფი ეწევა თავის ფანატებთან. "AC/DC"-ს მომღერალი ბრაიან ჯონსონი ძლიერ აღშფოთდა:

"ეს არანორმალური ტიპები ყველგან დაძვრებიან თავიანთი ღმერთით და სატანაზე ჩვენზე მეტს ლაპარაკობენ. რასაც ჩვენ ვაკეთებთ ეს არის უბრალოდ ხუმრობა... არავითარი სატანური მოციქულები არ გვაქეზებენ. ჩვენ გვჭირდება ვიპოვოთ მხოლოდ სტროფი, რომელიც თავისი რითმით მოადგებოდა შემდეგს..."

ამ ჯგუფის კონცერტებზე ათასობით გულშემატკივარი აღფრთოვანებით მღერის "გზატკეცილს ჯოჯოხეთისკენ". რა ემართება ახალგაზრდობას, რომელიც ამაყად გაჰკივის: "მე მივდივარ პირდაპირ ჯოჯოხეთში... ნუ შემაჩერებთ, ჰეი, ჰეი, ჰეი, .... დიახ, მე ამ გზით ბოლომდე ვივლი... ჰეია! მე მივდივარ პირდაპირ ჯოჯოხეთში"?

ზოგიერთი ადამიანი მღერის ამა თუ იმ სიმღერას და სიტყვებს არ აკვირდება. სიმღერის შინაარსი არ დადის მათ შეგნებამდე. მაგრამ, სხვათათვის ეს სიმღერა არის მათი მსოფლმხედველობის გამოხატულება. განა სამართლიანი და ჭეშმარიტი არ არის ბიბლიის სიტყვები, რომ: " ღვთის შიში არ არის მათ თვალწინ" (რომ. 3:18)?

ჯოჯოხეთი სულაც არ არის სასიამოვნო ადგილი, განსხვავებით იმისგან, რასაც ირწმუნება ზოგიერთი როკ ჯგუფი. ჯოჯოხეთი - ეს არის წყეულთა ადგილსამყოფელი. ის არის ცეცხლის ღუმელი, სადაც იქნება: "ტირილი და კბილთა ღრჭიალი" (მათე 13:42), სადაც "ულევია მათთვის მატლი და უშრეტი - ცეცხლი" (მარკ. 9:44). ეს არის სამარადისო ტანჯვის ადგილი (მათე 25:46). ბიბლია მთელი პასუხისმგებლობით გვაფრთხილებს ჯოჯოხეთის შესახებ. ამიტომაც საშიშია ჯოჯოხეთთან თამაში და გახუმრება.

"ადამიანებს ერთხელ უწერიათ სიკვდილი, მერე კი განკითხვა" (ებრ. 9:27), მაშინ გაიკმინდავს ხმას ღმრთის წინაშე ყველა დამცინავი. " ვინ გაუძლებს მის წყრომას, ვინ აიტანს მის მძვინვარებას? ცეცხლად იღვრება მისი რისხვა, კლდეები ირღვევიან მისგან" (ნაუმი 1:6).

ღმერთს არ უნდა კაცის სიკვდილი, არამედ მისი ცხოვნება ნებავს. " უთხარი მათ: ცოცხალიმც ვარ, ამბობს უფალი ღმერთი! თუ მინდოდეს ბოროტეულის სიკვდილი, თუ ბოროტეულის მოქცევა თავისი გზიდან და მისი გადარჩენა არ მინდოდეს! მოიქეცით, მოიქეცით თქვენი გზიდან, ბოროტეულნო! რისთვის უნდა დაიხოცოთ, ისრაელის სახლო!" (ეზეკ. 33:11).

მაგრამ ერთხელაც ღმერთი დასჯის ყველა უკეთურს მათი საქმეებისთვის და ცეცხლის სახმილში ჩაყრის. ჯერ კიდევ არის დრო სინანულის, ჯერ კიდევ მოგვიწოდებს ის ახალი ცხოვრებისკენ იესუ ქრისტეში.

 
TOP. GE
Назад к содержимому | Назад к главному меню