უსჯულოების საიდუმლო - ნეფილიმთა კვალდაკვალ 2 - Apocalypse

ძიება
Перейти к контенту

Главное меню:

მღვდელი ანდრია გორბუნოვი

ნეფილიმთა კვალდაკვალ

ვერსია... ლეგენდა... ფაქტები?...

ნეფილიმთა კვალდაკვალ

ბიბლიის ერთ-ერთ ყველაზე ძნელად გასაგებ ადგილად ითვლება დაბადების წიგნში გადმოცემული ამბავი "ღვთისშვილებსა" და "კაცთა ასულებს" შორის არსებულ ინტიმურ კავშირთა შესახებ, რომლის შემდეგაც ბიბლია დედამიწაზე ბუმბერაზების გამოჩენაზე, კაცობრიობის უკიდურეს გარყვნილებასა და მსოფლიო წარღვნით მის განადგურებაზე მსჯელობს, რომლისგანაც მხოლოდ კიდობანში შესული ნოე და მისი ოჯახიღა გადარჩა.

არქიმ. ნიკიფორეს "ბიბლიურ ენციკლოპედიაში" (1891 წ.) ბუმბერაზთა შესახებ ნათქვამია, რომ ისინი "ჩაგრავდნენ და იმონებდნენ თავიანთ ძმებს და ცხოვრების საკუთარი წესით უკეთურებასა და გარყვნილებას ავრცელებდნენ ისე, რომ გაირყვნა თვით შთის მოდგმაც კი. ამიტომაც ღმერთმა წარღვნით დასაჯა ნოეს დროინდელი კაცობრიობა. როგორც წმიდა წერილიდან ჩანს (მეორე სჯლ. 3:11; რიცხვ. 13:34; 1 მეფ. 13:4), გიგანტური ზომის ადამიანები წარღვნის შემდეგაც ცხოვრობდნენ, რასაც არქეოლოგიური გათხრებიც ადასტურებენ, რადგან მრავალგან არის აღმოჩენილი უზარმაზარი ჩონჩხები და ძვლები, რომლებიც ჩვეულებრივი ადამიანის ზომას ბევრჯერ აღემატებიან".

ბუმბერაზები, გიგანტები, ციკლოპები, გოლიათები, ტიტანები, ატლანტები... ყველა ესენი თითქმის სინონიმური ტერმინებია. მრავალი ხალხის მითები გვიყვებიან ძველ გოლიათებზე, რომლებიც მეგალითური მშენებლობის გასაოცარ ტექნოლოგიებს ფლობდნენ. ბერძნულ მითოლოგიაში მიიჩნევა, რომ სიტყვა "ატლანდიტა" წარმოსდგება - პრომეთეს ძმის, ერთ-ერთი ტიტანის სახელწოდებიდან. ტიტანები (გვიანდელ მითებში მათ გიგანტებში ურევენ) არიან ბუმბერაზები, რომლებიც მიწის ქალღმერთ გეამ შვა ცის ღმერთ ურანის სისხლის წვეთებისგან; ისინი ღმერთებისა და ადამიანების მეფეს ზევსსა და ოლიმპიური პანთეონის სხვა ღმერთებს აუმხედრდნენ, მაგრამ დამარცხდნენ და ქვესკნელში გადმოცვივდნენ.

შინაარსი:

უცხოპლანეტელები თუ ნეფილიმები?

"... და წინასწარმეტყველებდა ენოქი, მეშვიდე ადამითგან..."

"და ასწავლა აზაზელმა ადამიანებს..."

ატლანდიტა თუ წარღვნამდელი ცივილიზაცია?

"ბუმბერაზები იწოდებიან დაცემულ სულებად..."

ეშმაკის ყველაზე უდიდესი ხრიკი


"ახალი ფიზიკა" და "პარალელური სამყაროები"

ლეგენდები ამბობენ...

ზღაპრული ფანტაზია თუ გენური ინჟინერია?

კინოკეფალები: მითი თუ რეალობა?

"როგორ ჩამოემხე ციდან მთიებო განთიადისა!..."

ორიოდ სიტყვა "BLUE BEAM"-ის შესახებ...

________________________________________________________


"ახალი ფიზიკა" და "პარალელური სამყაროები"


ეფესელთა მიმართ ეპისტოლეში მოციქული პავლე ქრისტეანებს აუწყებს იმ ჟამის შესახებ, როდესაც განსაკუთრებული სულიერი ძალისხმევა და ღმრთისადმი ძლიერი რწმენა იქნება საჭირო რომ არ ცდუნდნენ. ეს ალბათ ჩვენი მაცხოვრის, იესუ ქრისტეს მეორედ მოსვლისა და სამყაროს აღსასრულის წინარე პერიოდი იქნება, ანუ ის ჟამი, როდესაც ამქვეყნიური ისტორიის მსვლელობა უნდა დასრულდეს. სწორედ მაშინ განსაკუთრებულად გააქტიურდებიან და განსაკუთრებული გააფთრებით დაგვატყდებიან თავს ბოროტნი ძალნი. სწორედ ამ დროს გაუშვეებენ ისინი მთელი სიძლიერით დემონურ მექანიზმებს. ეს იქნება პერიოდი, როდესაც ანტიქრისტეანულ ძალებს მოეჩვენებათ რომ ყველაზე ახლოს არიან თავიანთი ღმრთისსაწინააღმდეგო პროექტის განხორციელებასთან. "ბნელი დღე" რომელსაც მოციქული ახსენებს ხომ არ შეიძლება იყოს "ბნელი ენერგია", რომლის შესახებაც ამ ბოლო დროს ასე ბევრს მსჯელობენ სამეცნიერო წრეებში; ან ხომ არ არის ეს ე. წ. "პარალელური სამყაროები", რომლებიც ეს-ესაა გახსნიან თავიანთ კარიბჭეებს კაცობრიობის წინაშე?!



აი, ერთი ამგვარი "სამეცნიერო-პოპულარული" შეტყობინება (ანუ ბოროტების უახლესი "მეცნიერული მიღწევა", რომლებსაც "მასებში" გარკვეული იდეების სახით ნერგავენ): "ფიზიკოსები, რომლებიც დიდ ადრონულ კოლაიდერზე მუშაობენ, იმედოვნებენ, რომ უახლოეს მომავალში მიიღებენ პირველ მტკიცებულებას იმგვარი ცნების შესახებ როგორიცაა "პარალელური სამყარო" და "დამატებითი განზომილება", რომელზეც აქამდე მხოლოდ მწერალი-ფანტასტები თუ ოცნებობდნენ. მეცნიერები უკვე აქტიურად მსჯელობენ "ახალი ფიზიკის" დაბადებაზე, რომელიც სრულიად შეცვლის თანამედროვე შეხედულებას სამყაროსა და მისი მოწყობის პრინციპებზე" (Reuters. http://www.newsru.com/world/22oct2010/paralluni.html)

"ახალ ფიზიკად" (ახალი ხომ ყოველთვის ასოცირდება რაღაც უფრო სრულყოფილთან, რომელსაც ჯერ არ მიჩვევია ადამიანი) აქ ეშმაკურად იწოდება ოკულტური, დემონური ფიზიკა, ანუ კონტაქტი ბოროტ სულებთან.

ეშმაკის მსახური მასონები და დედამიწაზე სატანის ღმრთისმბრძოლი პროექტის ორგანიზატორები მსოფლიოს ჯერ საბჭოთა საფრთხით აშინებდნენ (რომელიც თვითონვე შექმნეს - რედ.), შემდეგ საერთაშორისო ტერორიზმით (რომელიც ასევე თვითონ დააფუძნეს - რედ.), ახლა კი მათ დაიწყეს საინფორმაციო კამპანია უცხოპლანეტელთა შემოჭრის შესახებ. მსოფლიო საიდუმლო მთავრობის ამ გეგმებზე ამასწინათ ალაპარაკდა დ-რი კეროლ როუზინი, ნაცისტი მეცნიერის, ვერნერ ფონ ბრაუნის კოლეგა. 2001 წლის გაზაფხულზე, როდესაც როუზინი სათავეში ჩაუდგა კორპორაციას "ფერჩაილდ ინდასტრიზ", მან ვერნერ ფონ-ბრაუნი გაიხსენა და თქვა: "ის ამბობდა, რომ საზოგადოებრივ აზრზე ზეგავლენისთვის და ხელისუფლების სტრუქტურებისთვის აუცილებელია გამოვიყენოთ დაშინების სტრატეგია... ამ სტრატეგიის თანახმად, ვერნერ ფონ ბრაუნმა მასწავლა, რომ ჩვენი პირველი მტრები უნდა გახდნენ რუსები, შემდეგ ტერორისტები, მომდევნო საფრთხედ გამოცხადდებიან ასტეროიდები, ხოლო სულ ბოლოს გათამაშდება უცხოპლანეტელთა კარტი და ეს უნდა მოხდეს უახლოეს პერიოდში (იხ. ამ გამოსვლის ამსახველი კადრები ჩვენი ვიდეო-პროექტიდან "სასწაულნი ზეცით". პირველი ნაწილი. "უკანასკნელი საფრთხობელა").

ხოლო "ბოროტ" უცხოპლანეტელთაგან ალბათ "კეთილი" "ჰუმანოიდები" (სინამდვილეში კი დემონები) დაგვიხსნიან, რომლებიც "პარალელური სამყაროებიდან" მოვლენ და, რომელთაც სადღეისოდ მასონური "მსოფლიო მთავრობის" მიერ ნაყიდი ახალი ფიზიკოსები "სენსაციურად აღმოაჩენენ".

"პარალელური სამყაროების" არსებობის იდეას (საიდანაც ჩვენთან, მიწიერ სამყაროში, თითქოსდა მალე უნდა მოვიდნენ უმაღლესი რასის უცხოპლანეტელები) დემონები კაცობრიობაში აქტიურად ნერგავენ თავიანთი შეგნებული მსახურებისა თუ მათ მიერ ცთუნებული "კონტაქტებისა" და "ჩენნელერების" მეშვეობით ("ჩენნელინგი" - ნებისმიერ, არამიწიერ ცნობიერებასთან კომუნიკაციის მეთოდი - რედ.).

ეს იდეა ან პირდაპირ ყალიბდება - (დემონების კონტაქტორების მეშვეობით, რომლებსაც ბოროტი სულები "უმაღლესი გონის" ან "არამიწიერი ცივილიზაციების" წარმომადგენლები ჰგონიათ); ან კიდევ ინერგება ირიბად (კერძოდ, ამ მიზნით, სპეციალურად გადაღებული ჰოლივუდური ფილმებით); ან კიდევ მაიას კალენდრის მიხედვით ქრისტეანული ერის დასრულებისა და უფრო სრულყოფილი, "მერწყულის ერის" დადგომის იდეის პროპაგანდირებით (ამას ქადაგებს ფილმი "2012" - რედ.). ამ იდეის თანახმად ახალ ეპოქას დაიწყებენ კაცობრიობის იმქვეყნიური წარმომადგენლები, რომლებიც მას თანამედროვეობის ნებისმიერი "გლობალური პრობლემისგან" და კატაკლიზმებისგან გაათავისუფლებენ, ამავე დროს დაიხსნიან მას "უცხოპლანეტური" აგრესიისგანაც.

ხოლო ამ ბოლო დროს გამოცემულ ზოგიერთ ოკულტურ წიგნში, ასევე "კონტაქტორების" მიერ დასტამბულ გამოცემებში, სადაც ლაპარაკია კონტაქტზე "პარალელური სამყაროების წარმომადგენლებთან" და ჩვენთვის, ანუ კაცთათვის გადმოცემულ "მიმართვებზე", გატარებულია ასეთი აზრი: "ამ პლანეტის ღმერთი" (ანუ ერთადერთი და ჭეშმარიტი ღმერთი, შემოქმედი ყოვლისა ხილულისა და არახილულისა, როგორც ეს არის ნათქვამი მართლმადიდებლურ მრწამსში), - რომელიც დემონებს სურთ წარმოაჩინონ როგორც მხოლოდ "ამ პლანეტის" ან "ამ სამყაროს" ღმერთად, - უნდა გადადგეს და მისი "თანამდებობა" სხვას, უცხო ძალებს გადაეცეს. იდეის თანახმად ეს "კეთილი" ძალები კაცობრიობას იხსნიან გარდაუვალი დაღუპვისგან ან ბოროტი კოსმიური ძალების ანექსიისგან. არსებობს ასეთი ვარიანტიც: "უმაღლესი რასა" პარალელური სამყაროდან დააპირებს ჩვენს, მიწიერ სამყაროში ჩამოსახლებას, რათა საკუთარი თავი გადაირჩინოს გარდაუვალი კატასტროფისგან. და ა. შ. ფანტასტიკური იდეები უხვად შეიძლება იყოს. მაგრამ უნდა გვახსოვდეს, რომ ამ მკრეხელური ბოდვის უკან იმალება "ძველი ურჩხულისა და გველის, ეშმაკისა და სატანის" (გამოცხ. 12:9; 20:2) უგუნური და უაღრესად ამპარტავნული ზრახვა, - ჩაიყოლოს კაცობრიობა ჯოჯოხეთში.


ლეგენდები ამბობენ...


"ჩვენს წინაპრებს ლეგენდები სულაც არ მიაჩნდათ გამონაგონად ან ფანტაზიად, არამედ მათ სრულიად რეალურ მოვლენებად მიიჩნევდნენ. სულ ახლახან - რაღაც ასი თუ ცოტა მეტი წლის წინ ისტორიკოსები არ ერიდებოდნენ ძველი მითების ჩართვას წარსულის სინამდვილის აღწერაში. მხოლოდ მე-19 ს. დასაწყისსა და 20-ე ს. მიწურულს ისტორიულმა მეცნიერებმა კარდინალურად შეცვალა თავისი დამოკიდებულება ლეგენდებისა და გადმოცემებისადმი, რომლებიც ძველი ხალხების ფანტაზიას მიაწერა. შესაბამისად თანამედროვე ისტორიოგრაფიამ ამოშალა მითების "ჩვენებები" მონაცემთა იმ ბაზიდან, რომელთა საფუძელზეც ისტორიკოსები გვიხატავენ კაცობრიობის წარსულს. მაგრამ რამდენად სამართლიანი და სწორი იყო ამგვარი გადაწყვეტილება?..." (А. Скляров, "Обитаемый остров Земля").



ბიბლიურ გამოთქმას "ღმრთის შვილები" ზოგიერთი თარგმნის როგორც "ღმერთების შვილებს" ან კიდევ "ცის შვილებს". შესაძლოა, აქ არსებობს კავშირი ძველჩინურ თქმულებასთან იმის შესახებ, რომ გრანდიოზული პროექტის ავტორები, რომელთა ნაწილს პირამიდები წარმოადგენენ, დედამიწაზე ზეციდან ჩამოსული "ცის შვილები" იყვნენ. მსგავსი ლეგენდები არსებობს მრავალ სხვა ხალხშიც.

ჩინეთში არსებობს მთელი რიგი გადმოცემებისა, რომლებიც "ამბობდნენ იმის შესახებ თუ რა მოჰყვა შედეგად ადამიანის ამხედრებას "ღმერთების" წინააღმდეგ (ანუ გადმოცემების მიხედვით, დაცემულ ანგელოზთა მეთაურობით წარღვნამდელი ადამიანები ჭეშმარიტ ღმერთსა და შემოქმედს აუმხედრდნენ) და სამყაროს სისტემა ქაოსმა მოიცვა: პლანეტებმა მოძრაობა შეიცვალეს. ზეცა გადაადგილდა ჩრდილოეთისკენ. მზე, მთვარე და ვარსკვლავები ახლებურად ამოძრავდნენ. დედამიწა ნაწილებად დაიშალა, და მისი წიაღიდან წყალმა ამოხეთქა, რომელმაც მიწის ნაწილი დაფარა (ასე გაჩნდნენ კონტინენები), ანუ მოხდა მსოფლიო წარღვნა)" (Г. Хэнкок, "Следы богов").

ძველი ჩინეთის მითები ასევე გვამცნებენ "ცის შვილთა", ანუ რქებიან ღვთაებათა შესახებ. კაცობრიობის ჩინელი მამამთავარი - ფუ სი გამოისახებოდა რქებით. და საერთოდ, ძველი წყაროების თანახმად, რქები უჩნდებოდათ იმათ, ვისაც ღმერთებთან ჰქონდა კავშირი, მაგრამ შემდეგ, ღალატის გამო, დაჰკარგეს. რქები, გადმოცემის თანახმად, "ამშვენებდა" ძველეგვიპტური ცივილიზაციის "ღმერთს" - ტოტს. პლანეტის სხვადასხვა კუთხის მრავალ ძველ სამარხში მეცნიერები პოულობენ რქებიან ანთროპომორფულ არსებათა პატარა ქანდაკებებს. ბერძნულ მითოლოგიაში მინოტავრი არის რქიანი მონსტრი, რომელიც მიწისქვეშეთში ბინადრობს.

"ნეფილიმებიც" და "ანუნაკებიც" (შუმერული სიტყვა "ანუნნაკი" ნიშნავს, - "ისინი, ვინც ციდან ჩამოემხნენ") ხშირად გამოისახებიან რქებიან არსებებად. ზოგჯერ მათ გააჩნიათ არა ორი, არამედ ხუთი, შვიდი და მეტი რქაც. ეს სიბრძნის სიმბოლო იყო, მაგრამ ამავე დროს რქა ძალაუფლების სიმბოლოდაც მიაჩნდათ. აი, რატომ იმშვენებდნენ თავს რქებით შამანები, მღვდლები და მეფეეები, განსაკუთრებით გვირგვინის ფორმიანი რქებით. გვირგვინი - ეს არის სტილიზებული რქა, არც მეტი - არც ნაკლები. ამან უპირველეს ყოვლისა უნდა მიანიშნოს, რომ ძველ ხელისუფალთა გვირგვინმოსილი შთამომავალნი იმავე ძალით იყვნენ მოსილნი. ზოგიერთის აზრით, ამ ქანდაკებათა თავზე დადგმულია თავისუფლების გვირგვინი. ხოლო არსებობს ისეთი აზრიც, რომლის მიხედვითაც ეს წამახვილებული ამონაზარდები თავზე, "სხივებია", მაგრამ ჩვენის აზრით უფრო სწორია ეს "სხივები" მივიჩნიოთ სწორედ რქებად.

ადამიანთა რქებიანი თავის ქალები 1880 წ. აღმოაჩინეს ბრედფორდის სამარხში (პენსილვანია, აშშ). ძვლოვანი წანაზარდების გამოკლებით, რომელიც დაახლოებით წარბებიდან ორ დიუიმში მდებარეობს, ადამიანები, ვისაც ეს ჩონჩხები ეკუთვნოდათ, ანატომიურად ნორმალურნი იყვნენ, თუმცა სიმაღლეში იყვნენ შვით ფუტზე მეტნი... ძვლები ფილადელვიიდ ამერიკელთა კვლევის ინსტიტუტს გადაუგზავნეს, სადაც დაალპეს, რათა უკვე აღარავის ენახა ისინი. არქეოლოგები ზოგჯერ ადამიანთა რქებიან თავის ქალებს პოულობენ. ამ მხრივ ყველაზე იდუმალი თავის ქალები აღმოაჩინეს 1995 წ. გობის უდაბნოში.

საინტერესო ასევე აღინიშნოს აფრიკული ლეგენდებიც, რომლებშიც შემორჩენილია თქმულება არსებათა მოდგმის შესახებ, რომლებიც წააგავდნენ რეპტილიებს და, რომლებიც მსოფლიოს თითქმის ათასი წლის განმავლობაში მართავდნენ (ანუ წარღვნამდე). ეს არსებები ჩიტაურებად (chitauri) იწოდებიან (ეს სიტყვა ნიშნავს - დიქტატორს, ანუ "მათ, ვინც კანონს კარნახობს"). მათ შეეძლოთ ფორმის შეცვლა და ადამიანებთან სქესობრივი კონტაქტის დამყარება. აფრიკის სხვადასხვა ნაწილში, 500-ზე მეტი ტომი აღწერს ანალოგიურ არსებებს. მათი სიმაღლე აღწევდა 3 მეტრს, ჰქონდათ დიდი თავები, კუდი და რქები. ჩიტაურების ისტორიული სამშობლო წითელი ვარსკვლავია. ოდესღაც ისინი აუმხედრდნენ შემოქმედ ღმერთს გუგუნგუს რათა დაეპყროთ სამყარო, მაგრამ საშინელ ბრძოლაში დამარცხდნენ და გადმოყრილ იქნენ დედამიწაზე, სადაც მიწის სიღრმეებში ჩაიმალნენ.

ჩიტაურები ძირითადად იკვებებიან ადამიანის ენერგიით, "ბნელი ძალით", რომელსაც ადამიანები გამოჰყოფენ ომებში, შიშის დროს, ტერორისა და წამების საშინელებებში. მაგრამ არც ადამიანის სისხლზე ამბობენ უარს, რადგან ფიზიკურად არ შეუძლიათ მიიღონ მყარი საკვები. ამიტომაც, ამ ლეგენდების მიხედვით არ არის რეკომენდირებული გარკვეულ რაიონებში ღამით სიარული. ზიმბაბვეში ასეთ ადგილად მიიჩნევენ "მაპოტოს" - სადაც მდებარეობენ პირამიდულად დალაგებული გიგანტური ქვები, და სადაც ქრებიან ადამიანები. იქ დაკრძალეს სესილ ჯონ როდესი, უმაღლესი განდობის ერთ-ერთი მასონი.

ჩიტაურების ლიდერის სახელია - ჯაბულონი. აღსანიშნავია, რომ სიტყვა Jahbulon-ს მასონები იყენებენ თავიანთ რიტუალებში. "ანტიმასონების" აზრით, ეს არის მასონთა ღმერთის სახელი, და მას ბაფომეტს უკავშირებენ, თუმცა, თვით მასონების მტკიცებით, არანაირი "განცალკევებული ღმერთი" მათ არ ჰყავთ.

აფრიკული ლეგენდების მიხედვით, ოდესღაც დედამიწა ნისლის სქელი ფენით იყო დაფარული, რომელშიც მზის მოძრაობას მხოლოდ ნათლის მოძრაობის მიხედვით ადგენდნენ. წვიმა ყოველთვი ცრიდა და არასოდეს იყო ქარიშხალი (დაბადების წიგნში ნათქვამია: გააჩინა ღმერთმა მყარი და გაჰყარა ერთმანეთისგან წყალი, რომელიც არის მყარს ქვემოთ, და წყალი, რომელიც არის მყარს ზემოთ. და იქმნა ასე. მყარს ღმერთმა უწოდა ცა. თქვა ღმერთმა: შეგროვდეს ერთგან ცისქვეშეთის წყალი და გამოჩნდეს ხმელეთი. და იქმნა ასე" (დაბ. 1:7-9). კრეაციონისტი-მეცნიერების განმარტებით, წარღვნამდე დედამიწას გარს ეკრა წყლისა და ორთქლის ფენა, რომელიც წარღვნის დროს დაეცა კიდევაც დედამიწას. ამიტომაც, წარღვნამდე არ ყოფილა არც წვიმები და არც თავსხმები, "არამედ ორთქლი ადიოდა მიწიდან და რწყავდა მიწის პირს", როგორც ნათქვამია დაბადებაში (დაბ. 2:6).

დედამიწა დაფარული იყო უსასრულო ტყეებით, ხოლო ადამიანები ცხოვრობდნენ მშვიდად და ბედნიერად, ერთმანეთთან ურთიერთობდნენ არა სიტყვების, არამედ ცნობიერების მეშვეობით. მაგრამ ამის შემდეგ, როგორც ლეგენდა გადმოგვცემს, დედამიწაზე თავიანთ საშინელ და თეფშების მსგავს მფრინავ ხომალდებზე ჩამოვიდნენ ჩიტაურები. ხომალდები ცეცხლს აფრქვევდნენ და გამოსცემდნენ საშინელ ხმაურს. მათრახისა და ელვის ძალით ჩიტაურებმა ადამიანები ერთად შეჰყარეს და ამცნეს მათ, რომ ისინი არიან ზეცის ღმერთები (გავიხსენოთ, რომ ენოქის წიგნის მიხედვით, ამპარტავნებით აღძრული დაცემული ანგელოზები მოქმედებდნენ "როგორც ღმრთის ტოლი არსებები") და ადამიანები მათგან ბევრ და უდიდეს ნიჭებს მიიღებენ. მათ ადამიანებს წაართვეს დისტანციური ურთიერთობის უნარი, ასევე ძალა ნივთების გადაადგილებისა გონების ძალით, სამაგიეროდ მისცეს მეტყველების უნარი. ადამიანებმა აღმოაჩინეს, რომ მეტყველებამ ისინი გააუცხოვა ერთმანეთისგან, რადგან ჩიტაურებმა მათ მისცეს სხვადასხვა ენები, რამაც გამოიწვია არეულობა".

ჩიტაურებმა ადამიანთა მეთაურებად სხვები დააყენეს, რათა ემართად ისინი. "ესენი არიან თქვენი მეფეები, თქვენი ბელადები. მათშია ჩვენი სისხლი. ისინი ჩვენი შვილები არიან, და თქვენ მათ უნდა უსმინოთ, რადგან სწორედ ისინი გაგიცხადებენ ჩვენს ნებას". ჩიტაურებმა აიძულეს ადამიანები ეთხარათ მაღაროები, ეძებათ მინერალები და მეტალები. შემდეგ მათ ცას მოაშორეს წვიმის მომცემი ბურუსი და შექმნიდან პირველად ადამიანებმა იხილეს ვარსკვლავები. ჩიტაურებმა თქვეს, რომ ადამიანები ცდებოდნენ, როდესაც ფიქრობდნენ, რომ ღმერთი ბინადრობს დედამიწაზე. ღმერთი ცაშია და ის, ვინც კვდება - ქვემოთ კი არ ჩადის, არამედ ზემოთ მიიწევს. ჩიტაურებმა თქვეს, რომ ადამიანთა ამოცანაა შეცვალონ დედამიწა იმდენად, რათა ის ღმრთისთვის მოსახერხებელი გახადონ, რომ ჩამოვიდეს და აქ იცხოვროს ადამიანთა შორის, ხოლო ადამიანები ამისთვის დაჯილდოვდებიან უდიდესი ძალით და წარმოუდგენელი სიმდიდრით (გასაგებია, რომ "ღმერთი", რომლის მოსასვლელად ადამიანებმა "დედამიწა უნდა შეცვალონ", სინამდვილეში არის სატანა, რომელიც "დედამიწის ღმერთობაზე" ოცნებობს. აი, მთელი სატანური პროექტის უმთავრესი მიზანი!).

ზულუსელი შამანი კრედო მუტვა ამტკიცებს, რომ ნახა ჩიტაური. თავის ინტერვიუში ის აღწერს, როგორც "მოიტაცეს" ინანგანის მთაზე. მუტვას აზრით ესენი იყვნენ არა "უცხოპლანეტელები", რომლებიც დრო და დრო გვეწვევიან ხოლმე, არამედ ჩიტაურები. მან არ იციხ, მაგრამ, შესაძლოა, ჩიტაურები ადამიანთა პარალელური რასაა. ისინი ნახევრად ადამიანურნი არიან და რაც ორმაგად საშიშს ხდის მათ კაცობრიობისთვის; მათ იციან ჩვენი გონების უძლურებანი და თავიანთი ძლიერი მხარეები.

ახლა მივხედოთ ინდურ ლეგენდებს, რომლებიც დიდად არ განსხვავდებიან აფრიკული და ჩინური ლეგენდებისგან. ძველინდურ მითოლოგიაში რეპტოიდებს ნაგები ეწოდებათ. ისინი აღწერილნი არიან როგორც ჰუმანოიდური რეპტილიები ან გველები. ყველაზე ადრინდელ წყაროებიში ისინი გათანაბრებულნი არიან ღმერთებთან, თუმცა მოგვიანებით დემონიზირებულ იქნენ. ლეგენდების ძველ ვერსიებში ისინი არ ვნებდნენ "მოკვდავთ"... იმ დროს თვით მოკვდავთ შეეძლოთ გაევლოთ ცასა და მიწას შორის. მაგრამ, როდესაც ღმერთები ჩამოშორდნენ კაცთა საქმეებს, ნაგებმა მიწისქვეშა ქალაქებში გადაინაცვლეს და იქ საიდუმლოდ ცხოვრობენ.




ზღაპრული ფანტაზია თუ გენური ინჟინერია?


მხედველობაში უნდა მივიღოთ, რომ მითებსა და ლეგენდებში პერსონაჟებად შეიძლება გამოდიოდნენ არა მარტო დაცემული ანგელოზები და ნეფილიმები, არამედ ყოველგვარი "ურჩხულები", ქიმერული არსებები (ძველბერძნულ მითოლოგიაში ქიმერა ნიშნავს ურჩხულს, რომელსაც აქვს ლომის თავი, თხის ტანი და დრაკონის კუდი). ამგვარი არსებები წმინდანთა ცხოვრებაშიც გვხდება ...

მაგალითად, ცნობილი ეპისკოპოსი დიმიტრი როსტოველი თავის ნაშრომში "Келейный летописец" მრავალგვარ "ნახევრად პირუტყვულ და ნახევრად ადამიანურ" არსებებზე გვამცნობს:

"... ჯერ-ერთი, სხვადასხვა ადგილას, მთებსა და უდაბნოებში გამოჩდნენ ადამიანის მსგავსი არსებები, რომლებსაც ტყის კაცებს, სატირებს, ან კიდევ ცხოველებთან მყოფთ უწოდებენ, რომლებიც არიან შიშველნი, კუდიან-ჩლიქიანები და თავზე რქები ადგათ. სატირები იმდენად სწრაფნი არიან, რომ მათ ვერც ერთი ცხოველი ვერ დაეწევა მანამ, სანამ არ დაავადდება ან დაბერდება.

შემდეგ - ჰიპოდონები, ანუ ჰიპოკენტავრები (ირანში - ჰანდავრები, ინდოეთში - ჰანდხარვები), რომელთაც ადამიანის თავი და მკერდი აქვთ, ხოლო დანარჩენი სხეული ცხენისა). ადამიანის მსგავს ამ არსებებზე ნათქვამია ღირ. პავლე თებაიდელის ცხოვრებაში. ერთხელ ანტონი დიდი უდაბნოს სიღრმეში შევიდა ღმრთისმოშიშ პავლეს მოსაძებნად. მიუხედავად უდაბნოს ხვატისა და ხორციელი უძლურებისა, მოხუცი სულიერად მხნედ იყო და არჩეული გზიდან უკან დაბრუნებას არ აპირებდა. და თუ მან არ უწყოდა საით უნდა წასულიყო, თავს ღმრთისადმი რწმენით იმხნევებდა: "მრწამს ჩემი ღმრთისა, რომ ის მიჩვენებს მონას, რომლის ნახვასაც შემპირდა". გარკვეული დროის შემდეგ მან ნახა კაცი, რომელიც ცხენს ჰყავდა და, რომელსაც პოეტები ჰიპოკენტავრს უწოდებენ.



როდესაც ჰიპოკენტავრი იხილა, მოხუცმა ანტონიმ ჯვარი გამოისახა და გაბედულად ჰკითხა: "მისმინე, სად ცხოვრობს აქ მონა ღვთისა?" მხეცმა თავი მოუხარა წმინდანს და, რადგან ლაპარაკი არ შეეძლო, ხელით უჩვენა მხარე, საითკენ უნდა წასულიყო ღმრთის მონის სანახავად და იქაურობას მყის განშორდა. ძლიერ გაუკვირდა ანტონის ამგვარი მხეცის ხილვა და იქითკენ გაეშურა, საითკენაც მხეცმა მიუთითა. როდესაც ერთ ქვიან ადგილს მიუახლოვდა, მოხუცმა სხვა მხეცი იხილა, რომელიც სახით ადამიანს ჰგავდა, მაგრამ სხეული და ფეხები თხისა ჰქონდა, ხოლო თავზე რქები ედგა.

მოხუცს გაუკვირდა, მაგრამ რადგან ურყევი რწმენა ამტკიცებდა, უშიშრად ჰკითხა: "ვინ ხარ?" მხეცმა მშვიდობის ნიშნად ფინიკის ნაყოფი მოუტანა და უთხრა: "მე ერთი მოკვდავი ვარ, უდაბნოში ვცხოვრობ. ცთომით გონებადაბნელებული ადამიანები სატირებს გვეძახიან და ერთ-ერთ თავიანთ ღმერთად მივაჩნივართ; მე კი ჩვენმა მოდგმამ გამომაგზავნა შენთან, რათა ილოცო ჩვენი საერთო უფლის წინაშე, რომელიც, როდესაც სამყაროში მოვა, შეგვიწყალოს".

მხეცი რომ ამას ამბობდა, სიხარულისგან ცრემლმორეული მოხუცი ემოციებს ვერ იკავებდა, ხარობდა ქრისტეს დიდებისა და სატანის წარწყმედისთვის, და თან უკვირდა, როგორ შეეძლო ესმინა სატირის მსჯელობა. ანტონიმ კვერთხი მიწას დაარტყა და თქვა: "ვაი შენდა, ქალაქო ალექსანდრია, რადგან ღმრთის მაგიერ პატივს მიაგებ ურჩხულს! ვაი, შენდა მეძავო ქალაქო, სადაც ამ წუთისოფლის ყველა დემონი თავმოყრილა! რა პასუხს გასცემ უფლას, როდესაც თვით მხეცებიც კი აღიარებენ ქრისტეს, შენ კი ღვთაებრივ თაყვანს ურჩხულებს მიაგებ?" როდესაც მოხუცი ანტონი ამას ამბობდა, მხეცი უდაბნოში გაიქცა.

ამ მხეცთან დაკავშირებული ისტორია მონაჩმახი არავის ეგონოს, რადგან მეფე კონსტანციუსის დროს ადამიანის მსგავსი ამგვარი მხეცი, რომელსაც სატირს უწოდებენ, ცოცხლად ჩაიყვანეს ალექსანდრიაში და რომლის დანახვაც ყველას უკვირდა. როდესაც ის მოკვდა, მის სხეულს, რომ არ გახრწნილიყო, მარილი მოაყარეს და ანტიოქიაში მეფეს გაუგზავნეს, რათა მისი მეშვეობით სხვებისთვისაც ცნობილი ყოფილიყო.

ანდროგინები, ანუ ჰერმაფროდიტები, - ყოველ მათგანს თავისი ბუნება აქვს, მამაკაცური და დედაკაცური; მკერდი მათ მარჯვენა კაცისა აქვთ, მარცხენა კი - ქალისა. არიმაფსები - მათ მხოლოდ ერთი თვალი აქვთ შუბლზე და განუწყვეტლივ ებრძვიან ფრიფებს ოქროსა და ძოწეულის გამო: იმას, რასაც გრიფები მთებში მოიპოვებენ, ეს არიმაფსები ართმევენ. ასტრომები - ინდოეთის შორეულ საზღვრებში ცხვრობენ, მათ პირი არა აქვთ, არ ჭამენ და არც სვამენ, არამედ მხოლოდ ცხვირიდან შეისრუტავენ ხილისა და ბოსტნეულის კეთილსურნელებას და მით არსებობენ.

ტანეფები - მათ იმდენად დიდი ყურები აქვთ, რომ მათით მთელს სხეულს იფარავენ. ნევრები - ზოგჯერ მგლად იქცევიან და ჭამენ იმ ადამიანს, ვისაც შეიპყრობენ. პიგმეები - ძალზედ პატარა ადამიანები არიან, სულ რაღაც ერთი იდაყვის სიგრძისა; ცხოვრობენ ინდოეთის მთებში; ისინი მცირე ხანს ცხოვრობენ: დედაკაცები შობენ ხუთი წლის ასაკში, ხოლო მერვე წელს უკვე ბერდებიან. მგზავრობენ თხებსა და ცხვრებზე ამხედრებულნი და პატარა მშვილ-ისრებისგან ისვრიან. მათ გამუდმებული ომი აქვთ წეროებთან, რადგან წეროები ჭამნე იმას, რასაც პიგმეები თესენ. ამის გამო პიგმეები გაზაფხულობით შეიკრიბებიან და თავიანთი შეიარაღებით გაემართებიან ოკეანისკენ, რომლის ახლოსაც იმყოფება მათი მიწა, ეძებენ იქ წეროების ბუდეებს და ჭამენ მათ კვერცხებსაც და ბარტყებსაც, რათა არ გამრავლდნენ და მათი მოსავალი არ შეჭამონ.








აქვთ თუ არა აფრიკელ პიგმეებს ლეგენდარულ პიგმეებთან რაიმე კავშირი არ ვიცით, მაგრამ ამგვარი პატარა კაცუნების მოდგმა ნამდვილად რომ არსებობს ეჭვმიუტანელი ფაქტია.


ციკლოპები - ვირგილიუსის თქმით ისინი სიცილიაში, ეტნას ქვეშ ცხოვრობდნენ; მათ შესახებ, ისევე როგორც არიმასპებზე ამბობენ, რომ შუბლზე მხოლოდ ერთი თვალი აქვთ. მანტიკორები - ცხოვრობენ ინდოეთში და ადამიანის მსგავსი მხოლოდ თავი და სახე გააჩნიათ, სხვა დანარჩენი კი ლომისა. ინდოეთშივე არსებობენ სხვა ადამიანის მსგავსი ურჩხულები, რომელთაც არც თავები აქვთ და არც კისრები, რადგან მათი თვალები მხრებზე აქვთ განლაგებული, პირი კი მკერდზე.

კიდევ ერთი ადამიანის მსგავსი ურჩხული ბინადრობს ინდოეთის უდაბნოებში - მას კინოკეფალს უწოდებენ; კინოკეფალებს ადამიანის ტანი და ძაღლის თავი აქვთ და კბილებს საშინლად აკრაჭუნებენ. იკოჩკოდანი, ანუ პიფიკი ნაწილობრივ წააგავს ადამიანს. ცისქვეშეთში კიდევ მრავალი სხვა ურჩხული ბინადრობს, რომელთაც ადამიანური გარეგნობა გააჩნიათ.




კინოკეფალები (ძაღლისთავა ადამიანები) ქრისტეს გარემოცვაში. ფრესკა

კინოკეფალების შესახებ იხ. მომდევნო თავში


იკას ტომის (პერუ) ძველ, წარღვნამდელ გრავირებულ ქვებზე გამოსახულნი არიან დინოზავრებზე ამხედრებული ბუმბერაზი ადამიანები, ძველი გარყვნილება, რომელიღაც უცნობი ტექნიკა და მოწყობილობები, რომლებითაც ტარდებოდა ურთულესი ქირურგიული ოპერაციები (მათ შორის თავის ტვინისა, რომელიც ამოღებულია პაციენტის თავის ქალიდან), ასევე ერთგვარი, როგორც ჩანს, გენეტიკური ექსპერიმენტები "ადამიანურ მასალაზე".









ზოგიერთი მკვლევარის აზრით: "ციდან გადმოგდების შემდეგ, სატანა უფალს თავისი ჰიბრიდული ექსპერიმენტებით დაუპირისპირდა. ცდილობს რა დედაკაცის თესლზე გამარჯვებას, ის მის წინააღმდეგ იყენებს არა მარტო საკუთარ "თესლს", არამედ ამგვარ გარყვნილებაში ითრევს მცენარეულ და ცხოველურ სამყაროსაც. ეს ზოოლოგიური მცდელობები ფიქსირებულია ლეგენდებში ტყის კაცის, ქალთევზას და სხვა გენეტიკურ ურჩხულთა შესახებ.

არსებობს მრავალი მოწმობა ადამიანის მსგავსი, მაგრამ მხეცური ბუნების მქონე ამ არსებებთან პირისპირ შეჯახებისა. აღნიშნავენ, რომ მათ გააჩნიათ უჩვეულო უნარები. ზოგიერთი ამგვარი არსების სახე "გაკეთილშობილებულია" ფილმებითა და მულტფილმებით. თუმცა ბიბლიამაც იცის მათ შესახებ. "ყოველი ჯურის მხეცი შეეყრება ერთმანეთს, ოჩოკოჩი ოჩოკოჩს დაუწყებს ხმობას; აქ დაიბუდებს ალი და იპოვის სადგურს" (ძვ. ქართ.: "და შეემთხჳნენ ეშმაკნი ვირკენტავროსთა, და ჴმობდეს მოყვასი მოყვსისა მიმართ. მუნ განისუენებდენ ვირკენტავროსნი, რამეთუ პოვეს თავთა თჳსთა განსუენებაჲ"; სლავ.: "и срящутся беси со онокентáвры и возопiютъ дрýг ко дрýгу, тý почíютъ онокентáври, обретше себе покóища: სინოდ. თარგმ.: "И лешие будут перекликаться один с другим; там будет отдыхать ночное привидение и находить себе покой" (Ис. 34, 14)).

ბიბლიურ ოჩოკოჩს (სატირი - არამ.) ორი მნიშვნელობა აქვს. ერთი მნიშვნელობით ის არის "კუდიანი" ("ეშმაკი"), ხოლო სხვა მნიშვნელობით - "ნახევრადადამიანი" ("ვირკენტავროსი"). ღამის მოჩვენება - (ებრაულად "ლილიტ") ღამის დემონს ნიშნავს. ესაია აქ ლაპარაკობს, როგორც ცოცხალ, ასევე გარდაცვლილ ნეფილიმებზე, რომლებიც ბინადრობენ ისავის ნასახლარზე, მამის ნების წინააღმდეგ ქანაანის დასნებოვნებულ შტოს რომ დაუმოყვრდა.

ეშმაკის გენეტიკური ექსპერიმენტის უკანასკნელი სიახლე - მზაკვარი ჩუპაკაბრაა, მხეცი-ვამპირი ოპოსუმის (Opossum. ლათ.: Didelphis marsupialis) კუდით, რომელიც ცხოველებსა და ადამიანს ღამღამობით ესხმის. ამ მხეცის რამოდენიმე ეგზემპლიარი სხვადასხვა ქვეყნის ახალი ამბების ტელეარხებზეც კი აჩვენეს.

ყველა ამ ობიექტს ერთი განმასხვავებელი თვისება გააჩნია: ძნელია მათი დარეგისტრირება, ანუ დაჭერა. მიზეზი კი მათი ზებუნებრივი წარმომავლობაა, რის გამოც ისინი ასწრებენ გაქცევას ან სულიერ სფეროში გადახტომას პირდაპირ მონადირეთა თვალწინ.

ცნობილია ჩრდილოამერიკული სასკუოჩის (sasquatch) ფენომენიც. მისი მონათესავეა თოვლის კაცი იეტი. ეს მასიური, ბალნიანი საფრთხობელები ზებუნებრივნი არიან. მათ ხელები მუხლებამდე ჩამოსდით, მზერა კი დამატყვევებელი აქვთ. ისინი უდაბურ ადგილებში ცხოვროგბენ და ფლობენ შეგრძნების სპეციალურ უნარს, რომლის დახმარებითაც ადვილად აღწევენ თავს საშიშროებას და თითქმის ღია ადგილზე უჩინარდებიან.



სასკუოჩი (Sascuatch)


ვინმე სტივენ პულასკიმ ერთხელ მთელი მჭიდი დააცალა ერთ ასეთ ბალნიან გიგანტს, რომელიც მის ფერმას უახლოვდებოდა, მაგრამ ის მთელი და უვნებელი დარჩა და სრულიად უშფოთველად, უბრალოდ ნელ-ნელა გაეცალა ადამიანის სახლ-კარს.

ბოლო დრომდე იეტი გაურბოდა ადამიანებთან კონტაქტს, მაგრამ დრო-ჟამი იცვლება და დღეს მათთან შეჯახება უკვე მობილურ კამერებსა და ფოტოაპარატებზე მსოფლიოს მრავალ კუთხეში აღიბეჭდა. რას უნდა მოასწავებდეს ეს ყოველივე?

იმ დროს, როდესაც უმრავლესობისთვის ეს მხეცები ჯერ კიდევ მითებია, შეტყობინებები ანგელოზებისა და ადამიანების ჰიბრიდებზე, ან ცხოველებისა და ადამიანების ბიოლოგიურ ნაჯვარზე იმდენად მრავალრიცხოვანი გახდა, რომ მაგალითად, ჩრდილოეთ ამერიკაში მათ უკვე კანონი იცავს. ამ მონსტრების "ადამიანთან მსგავსების" გამო მათი მოკვლა ადამიანის მოკვლას უთანაბრდება.

ჰარი სტერმანი, რომელიც ჰიბრიდიზაციის საკითხებს იკვლევს, ამბობს: "თქვენ, ალბათ, იტყვით: მოიცათ, ერთი წუთით, კი მაგრამ ბიბლიური გიგანტები ხომ სრულიად რეალური და ხილული არსებები იყვნენ და არ უჩინარდებოდნენ, მოჩვენებათა მსგავსად. ამ მომენტამდე სრულ სიმართლეს ბრძანებთ... მაგრამ, მიუხედავად ამისა, ისინი გაქრნენ ისტორიის ფურცლებიდან, რათა კვლავ გამოჩენილიყვნენ".

განა უცნაური არ არის, საიდანაა იმგვარ ქმნილებათა მრავალფეროვნება, რომელიც ღმერთს არ შეუქმნია? ეშმაკი მამაა სიცრუისა და ყოველგვარი გარყვნილებისა. ეს მან შეაჯვარა ერთმანეთს მიღებული ჰიბრიდები, სხვადასხვა სახის ქმნილებები შეაერთა ერთმანეთთან, რათა კაცობრიობის გენოტიპი მისთვის ცნობილი ნებისმიერი მეთოდით დაებინძურებინა. სადღეისოდ მეცნიერებისთვისაც კი არის ცნობილი მეთოდები როგორ წარმოშვას მხეცი ადამიანის სასქესო უჯრედებიდან. თუ არ გჯერათ კლონირებულ ცხვარ "დოლლის" ჰკითხეთ (სურ. იხ. ქვემოთ).

თავიდან გამრავლების ეს მეთოდი უფალმა ჩაიფიქრა, სანამ ის ეშმაკმა არ შერყვნა და გააფუჭა. ამასწინათ ბელგიის თავისუფალი უნივერსიტეტის თანამშრომლებმა დაადგინეს, რომ, მაგალითად, ცეცხლოვანი ჭიანჭველები ((Wasmannia auropunctata) კლონირებით მრავლდებიან. ისინი ერთმანეთს ეჯვარებიან მხოლოდ მუშა ჭიანჭველების წარმოსაქმნელად.

ეშმაკს ორიგინალურის გამოგონება და შექმნა არ ძალუძს, მას მხოლოდ უკვე არსებულის შერყვნა და დამახიჯება შეუძლია... ამ დარგში ის სპეციალისტია და ამიტომაც, სრულიად გასაგებია თუ ვინმეს მოტანილი ფაქტები დაუჯერებელი რამ ჰგონია და აშფოთებს, - ერთ დროს ეს ყოველივე ჩვენც არ გვჯეროდა...".

"გამქრალი ცივილიზაციების" ცნობილი თანამედროვე მკვლევარი ა. სკლიაროვი "მონსტრებისა და ურჩხულების" რეალურ არსებობასთან დაკავშირებით ამბობს: "სიტჩინი... ახსენებს ბეროსს, რომლის თანახმადაც "ღმერთი ბელი ("მეუფე") კლონირების პრინციპით საშინელ არსებებს ქმნიდა. გაჩდნენ ადამიანები ორი ფრთებით და ოთხი სახით. მათ სიამელი ტყუპებივით ერთი სხეული ჰქონდათ, მაგრამ ორ-ორი თავი: ერთი თავი მამაკაცისა იყო, მეორე კი დედაკაცისა. ასევე სხვადასხვა ორგანოები - ზოგი მამაკაცისა იყო, ზოგიც დედაკაცისა. უნახავთ სხვა ადამიანებიც, რომლებსაც თხის ან ცხენის ჩლიქები და რქები ჰქონდათ. გარეგნულად ისინი ჰიპოკენტავრებს წააგავდნენ. მათ შორის იყვნენ ადამიანის თავის მქონე არსებები; ძაღლები ერთი თავითა და ოთხი სხეულით, ან მხეცები ცხენის ტანითა და თევზის ლაყუჩებით, ან კუდით; და საერთოდ, არსებობდა მრავალი სხვადასხვა ქმნილება რომელსაც თავი და ტანი სხვადასხვა ცხოველებისა ჰქონდატ... მათი გამოსახულებები შემორჩა ბელის ტაძრის მოხატულობას, რომელიც ბაბილონშია" (ბეროსი) (ენოქის წიგნის მიხედვით, ერთ-ერთი დაცემული დარაჯ-ანგელოზის სახელი იყო - კოკაბელი. ხომ არ არის აქ რაიმე კავშირი წარმართულ ღმერთ ბელ-თან? იქნებ ეს, როგორც იტყვიან, ერთი და იგივე არსებაა?...).

შეიძლებოდა ეს ყოველივე მიგვეწერა პირველადი ინფორმაციის მომდევნო, თანდათანობითი დამახინჯებისთვის, რომელმაც ჰიპერტროფირებულ ზომებს მიაღწია; ან კიდევვ ბაბილონის მცხოვრებთა დაუოკებელი ფანტაზიისთვის, როგორ ეს ისტორიკოსებს ახასიათებთ, მაგრამ გვაფიქრებს რამოდენიმე გარემოება:

პირველი, - მსგავსი და უფრო ეგზოტიკური მონსტრები ჩვენი პლანეტის სრულიად სხვადასხვა და დიდი მანძილით დაშორებულ რეგიონთა და ხალხთა უძველეს ლეგენდებსა და გადმოცემებში გვხვდებიან (გამონაკლისი, ცხადია, არც საქართველოა - რედ.). პრაქტიკულად ყველგან... ჩვეულებისამებრ, ყოველივე ამას მიაწერენ "ხატოვან წარმოდგენებს", რომელიც გამოწვეულია პირველყოფილი შიშით, მაგრამ არის კი ასე ყოველივე?...

მეორე, - უმეტეს შემთხვევაში ეს მონსტრები და ურჩხულები სწორედ ზეციერ "ღმერთთა" (სინამდვილეში დემონთა, ანუ დაცემულ ანგელოზთა) მიერ შექმნილ არსებებს წარმოადგენენ.

და მესამეც, - უცნაური ქმნილებები უპირველეს ყოვლისა ჩნდებიან ღმერთების "შეჯვარებით" კიდევ ვიღაცასთან: ან "დემონებთან" ან ადამიანებთან. არსებითად ლაპარაკია სხვადასხვა სახეობათა ჰიბრიდიზაციასთან გენური ინჟინერიის რომელიღაც მეთოდით, რაზეც ბეროსიც უთითებდა, როდესაც "გაორების პრიციპს" ახსენებდა. "გაორება" შეიძლება გავიგოთ როგორც კლონირება - პროცესი, რომელიც მჭიდროდ არის დაკავშირებული იმავე გენურ ინჟინერიასთან.

შეიძლება თუ არა ძველი გადმოცემების მსგავსი ფანტასტიკური სახეების უკან რაიმე რეალობა იდგეს?... თანაც ისეთი რეალობა, რომელიც მატერიალური, რეალური სახით არის განხორციელებული?... რატომაც არა?! (А. Скляров, «Обитаемый остров Земля» )
(5).

___________

შენიშვნა 5: ა. სკლიაროვის ხსენებული წიგნის ციტირება არ ნიშნავს წინამდებარე სტატიის ავტორის თანხმობას ყოველივე იმასთან, რაც ამ წიგნშია გადმოცემული და იმ დასკვნებთან, რასაც სკლიაროვი აკეთებს. ეს შენიშვნა ეხება მრავალ სხვა წყაროსაც, რომელიც აქ ციტირებული იყო, ან უბრალოდ ნახსენებია წინამდებარე სტატიაში.

___________




კლონირებული ცხვარი დოლლი



სატირი და ნიმფები (ქართულ (კოლხურ) გადმოცემებში - ოჩოკოჩი და ალი)


აღსანიშნავია, რომ ქართული ხალხური გადმოცმები ("მითოლოგია") ასევე აღსავსეა მსგავსი არსებებით. და არსებობს თვითმხილველთა აღწერა, რომლებიც ნადირობის დროს ან ჭინკებს ან კიდევ ალს (მეგრ. "ტყაშმაფა") შეხვედრიან. ხალხურ გადმოცემაში არსებობს ქცევის მთელი რიგი წესები, რომელიც ადამიანმა უნდა დაიცვას ამგვარი არსებების შეხვედრისას, წინააღმდეგ შემთხვევაში, ნეფილიმები (ანუ ჭინკები თუ ალები) ადამიანს ჭკუიდან შეშლიან და ეს არც არის გასაკვირი, ისინი ხომ ზებუნებრივი თვისებების მატარებელნი არიან და ადვილად უმკლავდებიან ადამიანს.


კინოკეფალები: მითი თუ რეალობა?


კინოკეფალების (კინოცეფალების) შესახებ მრავალი ისტორიული მოწმობა არსებობს. კინოკეფალები ადამიანის მსგავსი არსებები იყვნენ, რომელთაც ძაღლის თავი ჰქონდათ.

ამ ხალხს ახსენებენ ბიზანტიელები, რომაელები, ბერძნები, ინდუსები, სპარსელები, ეგვიპტელები, ჩინელები, ზულუსები... ძაღლთავა ადამიანებზე, როგორც მათ რუსეთში უწოდებნენ, ანტიკურ პერიოდში ცნობები დაგვიტოვეს ჰესიოდემ, ჰეროდოტემ, ქტესიამ, მეგასთენემ, პლინიუს უფროსმა და სხვებმა.



კინოკეფალებს ახსენებენ ეკლესიის წმიდა მამებიც. მაგალითად, ნეტ. ავგუსტინე, როდესაც კინოკეფალებზე მსჯელობს თავის ცნობილ თხზულებაში "საღმრთო ქალაქი", გამოთქვამს მოსაზრებას, რომ "ესენი არ არიან ადამიანები". ისტორიული მონაცემების თანახმად, კინოკეფალები სარგებლობდნენ ინსტრუმენტებითა და იარაღით, ასევე ატარებდნენ ტანისამოსს, რამაც ზოგიერთი ღვთისმეტყველი აიძულა ეღიარებინა, რომ კინოკეფალებს გააჩნდათ სირცხვილის გრძნობა და ჰქონდათ სული.

კინოკეფალები ტანად მაღალნი იყვნენ, მათი სიმაღლე აღწევდა 2-2.5 მეტრს. მათი გავრცელების არეალიც საკმაოდ ვრცელი იყო: ის მოიცავდა ლიბიას, ეთიოპიას, სკვითების ქვეყანას და ინდოეთს. ისტორიკოსებმა არ იციან რითია გამოწვეული მონაცემთა ასეთი სიუხვე ამ იდუმალ და თითქმის მითიურ არსებებზე. კტესიას კნიდიელის (Κτησίας ο Κνίδιος) (დაახლ. 400 წ. ქრისტეს შობამდე) მოწმობით, კინოკეფალების რაოდენობა მარტო ინდოეთში 120 000-ს აღწევდა! კტესიასის თქმით მათ ცოტა ესმოდათ ინდური, ხოლო თვით ინდოელები მათ კალისტრიებს უწოდებდნენ. მათ წინააღმდეგ ალექსანდრე მაკედონელსაც უომია და ეს მოვლენა ინდურ მინიატურაშიც არის ასახული.



VII-VIII საუკუნეების რუქაზე (იხ. სურ. ქვემოთ) ძაღლთავა-ადამიანთა სამოსახლო ადგილები მონიშნულია წარწერით: "დასახლებულია კინოკეფალებით". არქიეპისკოპოს ჰენრიხ მაინცელის რუქაზე წარწერილია: "რიპას მთები აზიისა და ევროპის საზღვარზეა; მდინარე ტანაისი. აქ ცხოვრობენ საძაგელი ადამიანები, კინოკეფალები"; ხოლო ებსტორფის მსოფლიო რუქაზე ძაღლთავა ადამიანის გამოსახულების ქვეშ მიწერილია განმარტება: "კინოკეფალებად ისინი იმიტომ იწოდებიან, რომ მათ გააჩნიათ ძაღლის თავი და სახე; იმოსებიან მხეცის ტყავით, ხმა კი - ძაღლის ყეფას მიუგავთ".



კინოკეფალები XI საუკუნეში აღწერა ადამ ბრემენელმა თავის "ჰამბურგელ არქიეპისკოპოსთა ისტორიაში": "კინოკეფალები არიან ისინი, ვისაც ძაღლის თავები აქვთ. მათ ხშირად ატყვევებენ რუსეთში, ამბობენ, რომ ისინი თან ლაპარაკობენ და თან ყეფენ".

კინოკეფალების ხსენება ირონიულ ღიმილს დღეს იწვევს თორემ შუასაკუნეებში ამგვარი ცოდნა ეთნოგრაფიისა და გეოგრაფიის ცოდნის უკანასკნელ მიღწევად მიიჩნეოდა. მაგალითად, XIII ს. ცნობილი მოგზაური მარკო პოლო ინდოეთში ყოფნისას კინოკეფალებს წააწყდა: "ამ კუნძულის ყველა ადამიანს ძაღლის თავი აქვს, ძაღლისა აქვთ მათ კბილებიცა და თვალებიც, გარწმუნებთ, რომ მათი სახის ყველა დეტალი ისეთია, როგორც დიდი მასტიფებისა. კინოკეფალები ძალზედ ბოროტი ხალხია: როგორც კი მათგან განსხვავებულ ადამიანს ჩაიგდებენ, იმწამსვე შეჭამენ".

არქიეპისკოპოსმა ვერგილიუს ზალცბურგელმა კინოკეფალები ასე აღწერა: "ეს წარმართები შიშველი მკერდით დადიან. იზრდიან წარმოუდგენლად გრძელ თმებს, რომელიც ზეთითა და ქონით არის შეპოხილი. ეწევიან უკეთურ ცხოვრებას, იკვებებიან უწმინდური და აკრძალული ცხოველებით, თაგვებით, თახვებით და ყოველგვარ მსგავსი მღრღნელებითა და სისაძაგლით. ღირსშესანიშნავი ნაგებობები არ გააჩნიათ, სარგებლობენ დაწნული ფარდულებითა და კარვებით... ღმრთისა არაფერი უწყიან და თაყვანს სცემენ კერპებს. მეფე არ ჰყავთ... რძე უხვადა აქვთ, თაფლი კი ცოტა".



9 მაისს (ძვ. სტილით) მართლმადიდებლური ეკლესია აღნიშნავს წმ. მოწამისა და მხედრის, ქრისტეფორეს ხსენებას, რომელიც იმპერატორ დეკიუსის (დაახლ. 250 წ.) დროს ეწამა. წმინდანის ცხოვრება გვამცნებს, რომ ქრისტეფორე ქანანეველთა ქვეყნიდან იყო და ნათლობამდე რეპრევი ერქვა (ბერძნ. - უარყოფილი, განკიცხული). დანარჩენი მართლმადიდებელი წმიდა მოწამეებისგან ქრისტეფორე გამოირჩევა განსაკუთრებული გარეგნობით - მას დაბადებიდან ძაღლის თავი ჰქონდა, რადგან კინოკეფალების მოდგმიდან იყო.



სხვა, უფრო გვიანდელი თქმულების მიხედვით, რომელიც კვიპროსზე გავრცელდა, წმინდანი სიყრმიდანვე ულამაზესი ყმაწვილი ყოფილა, მაგრამ ქრისტეანული ღვაწლის მოსურნეს უფლისთვის უთხოვია დაემახინჯებინა მისი სახე, რის შემდეგაც ძაღლის გარეგნობა მიუღია. კონსტანტინოპოლურ სვინაქსარში მითითებულია, რომ წმინდანის მსგავსება ძაღლთან და მისი წარმოშობა კინოკეფალებისა და ანტროფოფაგებისგან (კაციჭამიები) სიმბოლურად უნდა გავიგოთ, როგორც წარმართობაში მისი ცხოვრების სიუხეშისა და მძვინვარების გამოხატულება. ნიკოდიმოს მთაწმინდელის სვინაქსარში კი საერთოდ არაფერია ნათქვამი ქრისტეფორეს მხეცურ გარეგნობაზე, იქ უბრალოდ ნათქვამია, რომ მას ჰქონდა მახიჯნი სახე.

მაგრამ, არსებობს მრავალი ძველი ხატი ქრისტეფორესი, სადაც წმინდანი ძაღლის თავით არის გამოსახული. ერთ-ერთი ასეთი უძველესი გამოსახულება წარმოდგენილია VI-VII საუკუნეების მაკედონიურ ხატზე. წმინდანის სხვა ძაღლთავა გამოსახულება ათენის ბიზანტიის მუზეუმში იმყოფება.



რუსულ ხელოვნებაში წმ. ქრისტეფორეს ხატს ძაღლის თავით გამოსაახავენ XVI საუკუნის მეორე ნახევრიდან და XVII საუკუნეში. უფრო ადრეული მაგალითები ჩვენთვის უცნობია, თუმცა ისინი, როგორც ჩანს, არსებობდნენ: წმინდანის ხსენების თარიღი პირველად გხვდება XI-XII საუკუნეების თვენში. XVII ს.-ის პირველი ნახევრის ხატი, რომელიც როსტოვის მუზეუმში მდებარეობს იმით გამოირჩევა, რომ თან ახლავს შესაბამისი იკონოგრაფიული კომენტარი. ფონის წარწერაზე, ნიმბის ორივე მხარეს ნაუწყებია, რომ წმიდა მოწამე ქრისტეფორე "კინოკეფალების მოდგმისა იყო".

დიმიტრი როსტოველი (†1709) წერდა: "უგუნური ხატმწერები სულელურად წერდნენ წმ. ქრისტეფორეს ხატს და გამოსახავდნენ მას ძაღლის თავით, რაც ზღაპარია და სისულელე" ("Розыск о Брынской вере"). ეს სიტყვები მიმართული იყო ძველმორწმუნეების წინააღმდეგ, რომლებიც წმ. მოწამე ქრისტეფორეს მხოლოდ კინოკეფალურ გამოსახულებას შეიწყნარებდნენ და მას ძველი ღვთისმოსაობის ერთ-ერთ ნიშნად აღიარებდნენ.

XVIII საუკუნეში არაერთხელ დამდგარა საკითხი წმ. ქრისტეფორეს ძაღლის თავით გამოსახვის დაუშვებლობის შესახებ, თუმცა მსგავსი ხატები მაინც იწერებოდა და ვრცელდებოდა. 1707 წელს პეტრე I განკარგულების საპასუხოდ, რომელმაც ბრძანა დაეცვათ ხატწერის ის კანონები, რაც მოსკოვის 1667 წლის კრებაზე იქნა მიღებული, სინოდი მუშაობდა დადგენილებაზე აეკრძალა იმგვარი ხატების დაწერა, რომლებიც "ბუნებას, ისტორიასა და ჭეშმარიტებას" ეწინააღმდეგებოდნენ. წმ. ქრისტეფორეს ხატიც ამგვარი ხატების რიგს განაკუთვნეს. მაგრამ სენატმა მხარი არ დაუჭირა სინოდის დადგენილებას და გასცა რეკომენდაცია არ მიიღონ ცალსახა გადაწყვეტილება იმ გამოსახულებათა წინააღმდეგ, რაც უკვე მრავალი წელია ცნობილია და ხალხში დიდი პოპულარობით სარგებლობს.

ზოგიერთ შემთხვევაში წმ. ქრისტეფორეს ხატს ასწორებდნენ. მაგალითად, იაროსლავლის მაცხოვრის ფერიცვალების ტაძარში წმინდანის ძაღლის თავი, რომელიც სვეტზე იყო გამოსახული, ადამიანურით შეცვალეს; მაგრამ ადრინდელი ხატის ნაკვალევი დღემდე შეიმჩნევა. სამუზეუმო კრებულებში წმინდანის ძაღლის თავა ხატი გვხვდება არა მარტო XVIII, არამედ XIX საუკუნის ხატებზეც.








"როგორ ჩამოემხე ციდან, მთიებო, ძეო განთიადისა!..."


დღეისთვის ჩვენთვის სულ უფრო ნათელი ხდება, რომ წარღვნამდელ დედამიწაზე, სატანის მეთაურობით დაცემული ანგელოზები აშენებდნენ მძლავრ ღმრთისმბრძოლ სისტემას, რომელიც მსოფლიო წარღვნამ დაანგრია. საბოლოო ჯამში ამ სისტემის მიზანი კაცობრიობაში სატანის რელიგიის ორგანიზება გახლდათ. ეს უნდა ყოფილიყო ლუციფერის საყოველთაო თაყვანისცემა, მისი აღიარება "დედამიწის ღმერთად". პირამიდები (რომელთა მეშვეობითაც, როგორც ზოგიერთი მკვლევარი ფიქრობს, წარღვნამდელ "მოსახლეობაზე" მძლავრი ფსიქოტრონული ზემოქმედება ხორციელდებოდა) ამ ღმრთისმბრძოლი სისტემის შემადგენელ ნაწილს და შესაძლოა მის ბირთვსაც კი წარმოადგენდა. ყოველ შემთხვევაში, არსებობს საფუძველი ვივარაუდოთ, რომ მათ არც თუ მცირე როლი განეკუთვნებოდათ საერთო, სატანურ პროექტში.

რატომ არ მოგვცა უფალმა დეტალური აღწერა წარღვნამდელი ცივილიზაციისა (თუმცა მისი ზოგიერთი დამახასიათებელი ნიშანი ბიბლიაში მაინც ასახულია)? როგორც ჩანს, უფალი ასე იმიტომ მოიქცა, რომ მომავალი თაობის ადამიანებს ამ ცივილიზაციისა და მისი "მიღწევების" მიმართ მავნე და უსარგებლო ინტერესი არ გასჩენოდათ. მაგრამ, ახლა, ჩვენს დროში, როდესაც სატანური, ანტიქრისტეანული ძალები აქტიურად იწყებენ ადრინდელი ღმრთისმბრძოლი პროექტის კვლავ განხორციელებას, უფალი გვიხსნის იმას, რაც აუცილებელია ვიცოდეთ წარღვნამდელ სისტემაზე და მის თანამედროვე "რემეიკზე", - თუ შეიძლება მის მიმართ ამ თანამედროვე სიტყვის გამოყენება, რათა ვაჩვენოთ, რომ ფორმითა და საშუალებებით დღევანდელი პროექტი მხოლოდ ნაწილობრივ თუ განსხვავდება წარღვნამდელისგან, ხოლო შინაარსითა და მიზნით - ეს იგივე პროექტია.



ანტიკურ პერიოდში ხეოფსის ეგვიპტური პირამიდების შექმნა "სიბრძნის ღმერთს", ტოტს მიეწერებოდა, ხოლო ტოტი იბისას თავით გამოისახებოდა. "ეგვიპტელებს სჯეროდათ, რომ "ოქროს საუკუნეში" ღმერთებმა, თვით "სიბრძნის ღმერთ ტოტის მონაწილეობით", აღმართეს გიზას პირამიდა. ეს იმ დროს მოხდა, როდესაც ღმერთები დედამიწაზე ცხოვრობდნენ" (Р. Бьювэл, Э. Джилберт, "Секреты пирамид").

მეცნიერების, მედიცინის, იეროგლიფების შექმნაც ტოტის სახელს უკავშირდებოდა. ის მიიჩნეოდა მაგიის გამომგონებლად. უფრო გვიანდელ პერიოდში ტოტს ბერძნულ ღმერთ ჰერმესთან აიგივებენ და მას ჰერმეს ტრისმეგისტოსს უწოდებენ. თითქოსდა მას უკავშირდება ზურმუხტის ლეგენდარული ფილაქნები, რომლებშიც ფორმულირებული იყო "სამყაროს დიადი მსგავსების პრინციპი": "ის, რაც ზემოთაა, არის ქვემოთაც".

მაგრამ, როგორც ჩანს, ამ ფრაზის უკან დგას სამყაროს არა რაღაც აბსტრაქტული პირნციპი, არამედ კონკრეტული მიზანი სატანისა, რომელიც, არის რა ქვემოთ (ჯოჯოხეთში), ოცნებობს იმაზე, რაც ზემოთაა. ანუ, სატანას დედამიწის ღმერთობა სურს; მას სურს კაცობრიობის გულიდან განდევნოს ჭეშმარიტი ღმერთი და თვითონ გახდეს ღმერთი კაცობრიობისა. ამ "პრინციპის" უფრო მკაფიო ფორმულირება ასეთია: "ის, ვინც ქვემოთაა, უნდა გახდეს იმად, ვინც ზემოთაა". "ეს ის არის, ვინც გახდება", - ასეა ნათქვამი სატანის შესახებ საიდუმლო მასონურ დოქტრინაში, ანუ დღეს ის ეშმაკია, მაგრამ მოვა დრო და - "ღმერთი" გახდება.

ესაიას წიგნის 14-ე თავი გვაუწყებს მთიები-ლუციფერის (მთიები ძვ. ქართულში ცისკრის ვარსკვლავს ნიშნავს - რედ.), ანუ ეშმაკის ზრახვებზე, ასევე მის გარდაუვალ და სრულ განადგურებაზე: "წარმოთქვამ ამ იგავს (ისრაელ) ბაბილონის მეფეზე და იტყვი: როგორ მოეღო ბოლო მტარვალს! როგორ მოეღო ბოლო მძლავრობას! როგორ შემუსრა უფალმა უკეთურთა არგანი, ხელმწიფეთა კვერთხი, რისხვით რომ სცემდა ხალხებს შეუსვენებლივ, ბრაზით რომ იმონებდა ტომებს, დაუოკებლად დევნიდა მათ! დაისვენა, დამყუდროვდა მთელი ქვეყანა, მხიარულად ყიჟინობს... ქვესკნელამდე შეიძრა შავეთი შენს შესახვედრად, გააღვიძა აჩრდილნი, მიწის მთავარნი (ძვ. ქართ.: "ჯოჯოხეთი ქუე განმწარდა, შეგემთხჳა რა შენ, თანააღდგეს შენსა ყოველნი გმირნი (რეფაიმები - რედ.) მმთავრობნი ქუეყანისანი"); წამოაყენა მათი ტახტებიდან ხალხთა მეფენი. ყველანი ალაპარაკდებიან და გეტყვიან: შენც ჩვენსავით დაუძლურდი, ჩვენ დაგვემსგავსე. შავეთს ჩაინთქა შენი დიდება, შენი ქნარების ხმა; ქვეშ მატლი გიგია, და ზედ ჭიაღუა გახურავს. როგორ ჩამოემხე ციდან, მთიებო, ძეო განთიადისა! მიწას დაენარცხე, ხალხთა მტარვალო! გუშინ ამბობდი: ცად ავხდები, ღვთის ვარსკვლავთა ზემოთ ტახტს დავიდგამ და დავჯდები საკრებულო მთაზე, ჩრდილო კალთებზე. მაღლა ღრუბლებში ავიჭრები, უზენაესს გავუტოლდებიო! მაგრამ შავეთში ჩადიხარ, ქვესკნელის უფსკრულებში. შენი შემხედვარი მოგაშტერდება, ჩაფიქრდება: ეს ის კაცია, მიწას რომ არყევდა, სამეფოებს რომ აზანზარებდა? ქვეყანას რომ უდაბნოდ აქცევდა, ქალაქებს ანგრევდა და თავის ტყვეებს შინ არ აბრუნებდა?" (ესაია 14).

ტრადიციული საეკლესიო განმარტებით, "ისრაელში" აქ ქრისტეს ეკლესია იგულისხმება, ხოლო "ბაბილონის მეფეში" - სატანა, დაცემული ქერუბიმი, რომელიც ოდესღაც ცისკრის ვარსკვლავად, ანუ მთიებად იწოდებოდა, ახლა კი თავისი უგუნურების გამო ამხედრებია უფალს, თავის ღმერთს, შემოქმედს ყოველი ხილულისა და უხილავისა.



პირამიდა - მასონობასა და ოკულტიზმში ერთ-ერთი ყველაზე უმთავრესი სიმბოლოა. "ოქროს პირამიდა" - პრესტიჟული საერთაშორისო ჯილდოა ოკულტიზმში (ექსტრასენსები, არატრადიციული მკურნალებისა და სხვა). პირამიდის სიმბოლო, სხვა მასონურ სიმბოლოებთან და ლოზუნგებთან ერთად, არსებობს დოლარზეც და აშშ-ს სახელმწიფო ბეჭედზეც, რომელიც მთლიანად მასონების შექმნილია. დოლარზე გამოსახული ჰერკულესის სვეტები უთითებენ ატლანტიდაზე (წარღვნამდელ ცივილიზაციაზე), რადგან პლატონი წერდა, რომ ის ჰერკულესის სვეტების (ანუ ჰიბრალტარის სრუტის) მიღმა არსებობსო. არსებობს მოსაზრება, რომ აპოკალიფსისში (გამოცხ. თთ. 17-18) ნახსენები ახალი ბაბილონი, რომელიც ბატონობს მიწის ყველა მეფეს, ამერიკის შეერთებული შტატებია, მასონების "მსოფლიო იმპერია", "მსოფლიო ჟანდარმი", რომელიც "მეძავადაც" იწოდება, თავისი მეძაობის თასით რომ დაათრო მიწის მკვიდრნი" (ეს სავარაუდოდ სხვადასხვა ეროვნებათა "ამერიკანიზაციას" გულისხმობს).





ზემოთ ნათქვამიდან შეიძლება გავაკეთოთ დასკვნა: მასონები (მხედველობაში გვაქვს ნამდვილი, განდობის მქონე მასონები, რომლებმაც დაბალი საფეხურების მასონებისგან განსხვავებით იციან მასონობის ჭეშმარიტი არსი, რომელიც არის სატანის მსახურება, და არა უბრალოდ ლოჟების სიმრავლე, რომელიც საზოგადოებისა და ხალხების თვალის ასახვევად სჭირდებათ, როგორც ეს ნათქვამია "სიონელ ბრძენთა ოქმებში". სატანის ამ მსახურებს თავიანთ ბატონთან უშუალო კავშირი გააჩნიათ და თავი როგორც წარღვნამდელი, ასევე წარღვნის შემდგომი პირამიდების მშენებელთა მემკვიდრეებად მიაჩნიათ.

უპირველეს ყოვლისა, ნათქვამი ეხება მსოფლიო მასონობის მწვერვალს, მის უმაღლეს გრადუსებს (ანუ მასონობის უზენაეს მმართველ ორგანოს - "მსოფლიოს უზენაეს საბჭოს"), რომელიც ე. წ. "მსოფლიო მთავრობის" ძირითად ბირთვს წარმოადგენს. და საერთოდ ყველა ოკულტისტი (თეოსოფები, მასონები, მოგვები და სხვანი), არსებითად, მიუხედავად იმისა შეგნებული აქვთ მათ ეს თუ არა, წარღვნამდელი დემონიზმის მემკვიდრეებსა და მისი საქმის გამაგრძელებლებს წარმოადგენენ.

აი, რაში მდგომარეობს ნამდვილი, თავდაპირველი წარმომავლობა სიტყვისა - "მასონები", რაც "ქვისმთლელს" ნიშნავს (და არა შუასაკუნეების ინგლისის სამშენებლო გილდიებსა და ადონირამის შესახებ მასონურ ლეგენდაში, რომელიც "დიდი ოსტატი" იყო და იერუსალემის სოლომონის ტაძრის მშენებლობაში მონაწილეობდა). "ქვისმთლელები" იყვნენ წარღვნამდელი პირამიდების მშენებლები (რომლებიც ქვის დამუშავების "ფანტასტიკურ" ტექნოლოგიებს ფლობდნენ), და რომელთაც, წარღვნის შემდეგ, უკვე ნიმროდი ხელმძღვანელობდა და რომელიც ბაბილონის გოდოლს უკვე ქვებისგან კი არა, აგურებისგან აშენებდა: "უთხრეს ერთმანეთს: მოდი, მოვზილოთ თიხა და გამოვწვათ. ქვის მაგივრად აგური ჰქონდათ, კირის მაგივრად ფისი" (დაბ. 11:3). ამიტომაც საგნობრივი ატრიბუტიკა, რომელიც მასონური რიტუალების დროს გამოიყენება (საზომი, ფარგალი, ჩაქუჩი, გონიო, კუთხედი, წინსაფარი და მრავალი სხვა), მიმართულია არა უბრალოდ მშენებელთა, არამედ კონკრეტულად ქვისმთლელთა, ანუ წარღვნამდელი პირამიდების მშენებელთა აღსანიშნად.


ორიოდ სიტყვა "BLUE BEAM"-ის შესახებ


დასასრულ, ორიოდ სიტყვით სატანურ პროექტ "Blue Beam"-საც ("ცისფერი სხივი") უნდა შევეხოთ. ინტერნეტში განთავსებულ მასალებში, ამ პროექტთან დაკავშირებით იტყობინებიან:"... ეს არის რეალურად არსებული სატანური პროექტი. რა არის მისი მიზანი? - ტრადიციული რელიგიის დანგრევა, განსაკუთრებით კი ქრისტეანობისა... ამ პროექტის პირველი ნაბიჯი მიმართულია დღეს არსებული ყველა რელიგიური ცოდნის დისკრედიტაციისკენ. პლანეტის სხვადასხვა ადგილზე ხელოვნურად გამოწვეული მიწისძვრებით, სადაც, პროექტის ავტორთა ვარაუდით იმყოფება უმნიშვნელოვანესი კულტურული და რელიგიური მოწმობები, ისინი ცდილობენ დამარხონ ისეთი არქეოლოგიური აღმოჩენები, რომლებიც დაამტკიცებდა წარსული ცივილიზაციების სიდიადეს და სიცრუედ შერაცხონ ყოველგვარი მოწმობა ამის შესახებ... (სწორია ისიც, რომ ბოროტების მსახურნი ყოველმხრივ ცდილობენ მიჩქმალონ ისტორიული და არქეოლოგიური ფაქტები წარღვნამდელ ცივილიზაციასთან დაკავშირებით. ან საკუთარი მსოფლმხედველობისა და იდეოლოგიის ჭრილში წარმოაჩინონ აღმოჩენილი ისტორიული და არქეოლოგიური ფაქტები.



მაგალითად, იმის შემდეგ, რაც ეგვიპტის პირამიდების გვერდით (კერძოდ, სფინქსის წინა თათებთან) აღმოაჩინეს დიდი მიწისქვეშა გვირაბები და საკნები, ეგვიპტის ხელისუფლებამ, ამ აღმოჩენების გამოკვლევის ნაცვლად (სადაც, მეცნიერთა აზრით შესაძლოა ინახება ცნობები "ატლანტიდას" შესაახებ), უბრალოდ აკრძალეს მიწისქვეშა გათხრების გიზას პლატოზე. და მსგავსი მაგალითები უხვადაა: ეს არის არქეოლოგიური აღმოჩენების მიჩქმალვა და მათ შესახებ ინფორმაციის დაბლოკვა "სერიოზულ" სამეცნიერო გამოცემებში (ასეთი ინფორმაცია ძირითადად ქვეყნდება ალტერნატიულ ლიტერატურაში), მათ სანაცვლოდ კი "ოფიციალური" მითების შეგნებული გავრცელება (მაგ.: იმის შესახებ, რომ პირამიდები თითქოსდა წარმოადგენდნენ ფარაონთა სამარხებს და ა. შ.), ასევე პლანეტის სხვადასხვა ნაწილში წარღვნამდელი ცივილიზაციის ნარჩენების გამოკვლევის აკრძალვა (ნებართვას ღებულობენ მხოლოდ ის მეცნიერები, რომლებიც მისდევენ "ოფიციალურ" ვერსიებს), და პირამიდების მკვლევართა იდუმალებით მოცული გარდაცვალებები, რომელსაც "ფარაონთა წყევლას" მიაწერენ და სხვა მრავალი.

აღსანიშნავია შემდეგი ფაქტიც. როგორც კი ამერიკის ჯარები შევიდნენ ბაღდადში და მათმა ტანკებმა ერაყის ეროვნული მუზეუმის ახლოს დაიკავეს პოზიციები - იმწამსვე დაიწყო მისი ძარცვა. მუზეუმი ბუკვალურად ქალაქის ოკუპაციის პირველივე საათებში პირწმინდად გაიძარცცვა. ძარცვავდნენ არა ამერიკელები, არამედ სპეციალურად მომზადებული "მოროდიორები", რომლებიც ოსტატურად აღებდნენ საცავების რკინის კარებს, კარგად იცნობდნენ მიწისქვეშა საწყობების განლაგებასაც. მოგვიანებით მუზეუმის ნამდვილი მცველები გაოგნებულნი წერდნენ, რომ მიუხედავად მათი მოწოდებისა დახმარებისკენ, იქვე მყოფმა ამერიკელებმა არაფერი გააკეთეს რათა ხელი შეეშალათ ბოროტმოქმედებისთვის. "მოროდიორებმა" პირწმინდად "გაასუფთავეს" მსოფლიო საგანძური იქვე გვერდით მდგომ ამერიკელ ოფიცერთა თვალწინ. ყველაზე საინტერესო კი ისაა, რომ "მოროდიორების" ერთი ნაწილი ტომრებს ავსებდა, მეორე ნაწილი ფიზიკურად ანადგურებდა ნაკლებად ღირებულ ექსპონატებს.

"Blue Beam"-ის მომდევნო პროექტი დაკავშირებულია პლანეტარულ კონტროლთან. ეს განხორციელდება "უცხოპლანეტური" შემოსევის მოდელირებით და მსოფლიოს დიდ ქალაქებზე მათი თავდასხმის ინსცენირებით. უნდა აღინიშნოს, რომ მსოფლიოს დიდ ქალაქებზე "უცხოპლანეტელ" აგრესორთა შეტევის თემა თითქოსდა თავსმოხვეულია ჰოლივუდის ფილმებით, რომლებშიც გატარებულია ის აზრი, რომ ამგვარი თავდასხმის შემდეგ ყველა დიდი სახელმწიფო, როგორიცაა, რუსეთი, აშშ, ჩინეთი, და ა. შ. უცებ დაიწყებენ თანამშრომლობას ერთმანეთთან, შეიმუშავებენ სამოქმედო გეგმას არამიწიერი დამპყრობლების წინააღმდეგ. მაგრამ ყველა მათი ძალისხმევა წარუმატებელი აღმოჩნდება და იმ დროს, როდესაც სიტუაცია გახდება კრიტიკული, გამოჩნდება "მხსნელი". მაგრამ, ამგვარი ფილმებით პრაქტიკულად სწორედ ამ მოდელის პროპაგანდირება და აზროვნების ამ მოდელის დანერგვა მიდის. ჩვენ შთაგვაგონებენ, რომ უნდა გვეშინოდეს უცხოპლანეტელების და პანიკაში უნდა ვიყოთ რაღაც იდუმალისა და გაუგებარის წინაშე. ჩვენ ბეჯითად გვამზადებენ ამ ძალებთან ამაო შეჭიდებისთვის და მხსნელის გამოჩენისთვის, რომელიც ძალმოსილი იქნება მარტომ გაუმკლავდეს მომხდურთა მთელს არმიას. ეს ყოველივე ცნობიერების კონტროლის კიდევ ერთ ფორმას წარმოადგენს.

პლანეტის დაპყრობის წინა ეტაპი გახდება "ახალი მსოფლიო წესრიგის" ოპოზიციის განადგურება... სპეციალურად გენერირებული ელექტრომაგნიტური ტალღები გადაიცემა ოპტიკურ ბოჭკოვანი არხებით, საკაბელო ტელევიზიებითა და სატელეფონო ხაზებით, ამ საქმეში ჩაერთვება პრესა და რადიოც... არ უნდა დაგვავიწყდეს რადიოიდენტიფიკაციის ჩიპები (RFID), რომლებსაც უკვე უნერგავენ ადამიანებს პლანეტის სხვადასხვა კუთხეში. ნებისმიერი ელექტრონული მოწყობილობა, რომელიც მუშაობს სიგნალების მიღება-გადაცემაზე, გახდება ტრანსლიაციის ინსტრუმენტი. ამგვარად, ტელეპატიური ზეგავლენის ქვეშ აღმოჩნდება მთელი პლანეტის მოსახლეობის უმეტესი ნაწილი. გადაცემული იქნება ინფორმაცია, რომელმაც შესაძლოა გამოიწვიოს თვითმკვლელობათა, ძალადობათა და სიგიჟეთა ბუმი.

როდის განახორციელებენ სატანის მსახურნი თავიანთ საძაგელ გეგმებს? როგორც კი მათ მიერ ხელოვნურად შექმნილი ეკონომიკური კრიზისი გამოფიტავს დედამიწის მოსახლეობას და გამოწოვს მის უკანასკნელ დანაზოგს. სწორედ მაშინ დაინერგება ელექტრონული გადახდის მსოფლიო სისტემა, რომელიც RFID ჩიპებზე იქნება დაფუძნებული. მიზანი ამგვარი ჩიპებისა ნათელია - მსოფლიო მოსახლეობის ტოტალური კონტროლი. შემდეგ კი ყველაფერი წავა გეგმის მიხედვით: სამხედრო კონფლიქტები, ბუნებრივი კატაკლიზმები, თვითმკვლელობათა ტალღები, სიგიჟე, ქაოსი, "უცხოპლანეტელები"... ესოდენი უბედურებების შემდეგ კაცობრიობა მუხლმოყრილი ივედრებს მხსნელის მოვლინებას, რათა აღადგინოს მშვიდობა ნებისმიერი მეთოდებით, ნებისმიერ ფასად, თვით საკუთარი სიცოცხლის ფასადაც კი".

იმის შესახებ, რომ ეს "მხსნელი" იქნება არა ჭეშმარიტი მაცხოვარი იესუ ქრისტე, არამედ ანტიქრისტე, რომელიც საკუთარი თავის ყველა რელიგიის ლიდერად გამოცხადებას გეგმავს; ასევე იმის შესახებ, რომ ბოროტების მსახურებმა უნდა მოაწყონ მრავალნი "სასწაულნი ცაში", "Blue Beam"-ის შესახებ განთავსებულ მასალებში ნათქვამია: "მსოფლიო საიდუმლო მთავრობა სერიოზულად ეკიდება პლანეტის დაპყრობის უკანასკნელ ეტაპს. ამოქმედებულია ყველაზე მოწინავე ტექნოლოგიები, ყველაზე დახელოვნებული ოსტატები, ყველაზე ცნობილი ადამიანები, და ბუნებრივად, ყველაზე უდიდესი ფინანსები. ასე, რომ მალე ხელებგაშლილნი შევხვდებით "სასწაულთ ცაში". და აჰა, ისე მოაწყობენ, რომ მოგვევლინება გამოსახულება იესუს სახით, ან ჰუმანოიდების შეტევა ან კიდევ სხვა რამ, რასაც კი მოიფიქრებენ "ახალი მსოფლიო წესრიგის" გენიალური სცენარისტები. უცნაური მხოლოდ ერთია, როგორ არ ეშინიათ მათ ღმერთის...

პროექტი "Blue Beam"-ი ვარაუდობს გრანდიოზულ შოუს ცაში. ის იმგვარად არის კონსტრუირებული, რომ ჰოლოგრამებით ცაში დაიხატოს "მესიის" მოსვლა, და ეს ჩანდეს მთელი მსოფლიოს მასშტაბით. ტალღების გამოსხივება, რომლებიც უშუალოდ ადამიანის ტვინზე მოქმედებს, პლანეტის ნებისმიერ წერტილში შეაღწევს. ყოველი, ვინც ამ ჰოლოგრამით თავისი რელიგიის "მაცხოვარს" ნახავს, მას საკუთარ ენაზე მოისმენს.

კომპიუტერული ტექნიკისა და დედამიწის ორბიტაზე გაშვებული ხელოვნური თანამგზავრების დახმარებით, რომლითაც შოუს კოორდინირებას მოახდენენ, გამოსცემენ დაბალი, ძალზედ დაბალი და უკიდურესად დაბალი სიხშირის სიგნალებს, რომლითაც მოხდება სწორედ ჰოლოგრამების პროეცირება, "კედლად" კი, სადაც ეს "ფილმი" გაიშვება, ნატრიუმს გამოიყენებენ, რომელიც დედამიწას გარს აკრავს 100 კმს-ს სიმაღლეზე.

მაშინ იესუს, მუჰამედის, ბუდას, კრიშნას თუ სხვათა პოექციები ერთ ხატში გაერთიანდება და "მაცხოვრად" წარმოუდგება დედამიწის მოსახლეობას. უნივერსალური მესია ამეტყველდება ყველა ენაზე. ვარაუდობენ, რომ ეშმაკის ეს ჭურჭელი, სხვადასხვა რელიგიურ წმიდა ტექსტებს სიცრუედ გამოაცხადებს და იტყვის, რომ ძველი რელიგიები პასუხისმგებელნი არიან ყველა იმ ბოროტებაზე, რომელიც კი მომხდარა ჩვენს პლანეტაზე. ამიტომაც, ისინი უნდა შეიცვალონ, რათა ადგილი დაუთმონ ახალ რელიგიას, რელიგიას ანტიქრისტესი, რომელიც უხელმძღვანელებს მთელს კაცობრიობას, თუ რა თქმა უნდა, უმრავლესობისთვის სულერთია როგორი იქნება "ხვალინდელი დღე".

ავტორის საბოლოო შენიშვნა: სტატიის სახელწოდებასა და მის ტექსტში ლაპარაკია ვერსიებსა და ვარაუდებზე, ამიტომაც, ავტორი ისურვებდა, რათა მისი მოკრძალებული გამოკვლევა განხილულ ყოფილიყო როგორც ვესია ან ვერსიათა მიმოხილვა. თუმცა, ამ სტატიაში ლაპარაკია ფაქტებზეც...



დასაწყისი წინა გვერდიდან.

 
TOP. GE
Назад к содержимому | Назад к главному меню