სხვადასხვა - ჯორჯიელი პასტორი სანტას წინააღმდეგ - Apocalypse

ჯორჯიელი პასტორი სანტას წინააღმდეგ

30.12.2017

გასულ კვირას ჯორჯიელმა (აშშ) პასტორმა ედუარდ კაროტერსმა განაცხადა, რომ ბავშვები, რომელთაც სანტა-კლაუსის არსებობისა სჯერათ, შესაძლოა ათეისტებად გაიზარდონ. პასტორი თავის ინტერვიუში ასევე აცხადებს, რომ "სანტა-კლაუსი ისაკუთრებს ქრისტეს დიდებას".

"ჩვენ მივედით იმ ზომამდე, აცხადებს პასტორი, რომ იესუ ქრისტე და მისი შობა შევცვალეთ ფიქტიურ პერსონაჟ "სანტათი" (ინგლ. Santa), რომელიც ავამაღლეთ, ქრისტე კი დავამდაბლეთ. საკვირველია როგორ ეთაყვანებიან ადამიანები სანტა-კლაუსს, ამ ფიქტიურ არსებას".

შემდეგ კაროტერსმა თქვა, რომ სანტას პრობლემა კიდევ მდგომარეობს იმაში, რომ ბავშვები, ვისაც ამ არარეალური არსებისა სწამთ, შესაძლოა ათეისტებად გაიზარდონ, რადგან ზრდასრულობის ასაკში, თუკი ისინი მიხვდებიან, რომ სანტა არ არსებობს, ქრისტეს არსებობაშიც დაეჭვდებიან.

"ჯერ-ჯერობით, - ამბობს პასტორი, - ბავშვები, რომელთა დიდი უმრავლესობა ქრისტიანულ ოჯახში ცხოვრობს, იზრდებიან ისე, რომ სანტა-კლაუსის, ფერიებისა და ჯუჯების არსებობისა სწამთ, მაგრამ როდესაც მოწიფულ ასაკს მიაღწევენ და მიხვდებიან, რომ არც ფერიები, არც ჯუჯები და არც სანტა-კლაუსები არ არსებობენ, ცხადია მათ თვით იესუს პიროვნებაც მითიურ პერსონაჟად გარდაიქცევა და ამგვარი მიდგომა სრულიად რეალურია".

https://www.rawstory.com/2014/12/georgia-pastors-billboard-warns-that-santa-is-satan-and-hes-turning-your-kids-into-atheists/

საინტერესოა აღინიშნოს, რომ სერიოზულად თუ ხუმრობით Santa-ს Satan-ად მიიჩნევს ცნობილი ამერიკელი როკ-მომღერალი რიკ სპრინგფილდიც. თავის ერთ-ერთ ჰიტში ის მღერის, რომ Santa ეს მხოლოდ ანაგრამაა * და ნიშნავს Satan-ს ანუ, სატანას.

__________________

* ანაგრამა: ასოების გადასმა ისე, რომ ერთი სიტყვიდან სხვა სიტყვა მივიღოთ (უცხო სიტყვათა ლექსიკონი)
__________________

მტკიცებას იმისა, ნამდვილად ასეა თუ არა ეს საკუთარ თავზე ვერ ავიღებთ. მოდი მკითხველმა ეს თავად განსაჯოს.

ქვემოთ იხ. რიკ სპრინგფილდის (Rick Springfield) სიმღერა: "Santa is an anagram" ("სანტა ანაგრამაა")