რჩევები მშობლებს - ყველაფერი ბავშვებიდან იწყება - Apocalypse

ძიება
Перейти к контенту

Главное меню:

სხვადასხვა > რჩევები მშობლებს

ყველაფერი ბავშვებიდან იწყება

ბავშვები და ტელევიზია

რიგითი მოქალაქეები უკვე შეშფოთებულნი წერენ, რომ:

1. 2015 წლიდან მოსკოვში საყოველთაოდ და სავალდებულოდ, ვითომცდა უსაფრთხოების მიზნით, მოზარდ-მოსწავლეთა "ჩიპიზაცია" დაიწყება. "უსაფრთხოება" გულისხმობს მშობელთა "მხარდაჭერას", რომლის მიხედვითაც მშობლებს ეცოდინებათ სად იმყოფებიან მათი შვილები. თითქოსდა ამაში ცუდი არაფერია, მაგრამ კეთილი ზრახვების მომიზეზებით ნერგავენ საზოგადოების მიერ აშკარად უარყოფილ საქმეს. გამოსავალი ნაპოვნია - არ უნდათ და პროტესტს გამოთქვამენ დიდები? მაშინ ჩიპიზაციას პატარებით დავიწყებთ. ამრიგად, ჯერ კიდევ ბავშვობიდან მიაჩვევენ მოზარდ თაობას სრულ ანგარიშვალდებულებას.

2. ყოველივე ამას ემატება კიდევ ერთი "სიახლე" - ახალი სასწავლო სტანდარტი... ეს არის შოკის მომგვრელი "'მენიუ"... ერთი უნდა ნახოთ საგნების როგორი კომპლექტაცია უნდა აირჩიონ, ანუ რა "ბლოკები" უნდა აითვისონ მოსწავლეებმა "სასწავლო პროცესის გაღრმავების" მიზნით. ამ დროს სწავლის არანაირი "გაღრმავება" არ ხდება, რადგან ბაზა არ არსებობს, ხოლო ბაზას გარკვეულ ფასში მისცემენ "მოსწავლის მოთხოვნის" შესაბამისად!" რამდენი იქნება იმის მსურველი, რომ ალგებრა, გეომეტრია და ქიმია ისწავლოს ფიზიკასთან ერთად? (საბაზო კომპლექსში ამ დისციპლინების ცოდნა აბსოლუტურად არ შედის). უფრო მოისურვებენ ცოდნის "გაღრმავებას" გეოგრაფიასა და ფიზკულტურაში! ეს ხომ იუვენალური იუსტიციის ჩარჩოებშია, საჭიროა მოსწავლის ნებაყოფლობითი სურვილი!

3. აქვე დგება საკითხი: ვინ იქნება სიყრმიდანე "დაჩიპული" ბავშვი, რომელიც მიჩვეულია ტოტალურ კონტროლს, თანაც ძალზედ შეზღუდული უნარებითა და ცოდნით?... ვის დასჭირდება ჩვენი შვილები? მათგან საშუალო დონის ტექნიკოსიც კი ვერ გამოვა! ეს იქნება სრულიად უფერული, უსახური, გაუნათლებელი მასა, რომელიც მორჩილებასაა მიჩვეული. ეს იქნება უმაღლესი განათლებისთვის გამოუსადეგარი თაობა (მაშინ როდესაც, ამ პროექტის ავტორები საკუთარ შვილებს კვლავ უცხოეთში გააგზავნიან "კლასიკური" განათლების მისაღებად...).

ჩვენს დროში, ლაპარაკი იყო იმაზე, რომ ყველაზე დიდი მეცნიერული აღმოჩენები ხდება მეცნიერებათა შერწყმის დროს და დიდ სამეცნიერო თვალსაწიერს ითხოვენ. ხოლო საკუთარ შვილებს განუვითარებელ (ჯერ კიდევ) ადამიანებად გავზრდით, რაც შეეხება ჩვენს შვილიშვილებს, მათთვის ეს ნორმა იქნება, რომლის წინააღმდეგ უკვე არავის არაფერი ექნება საწინააღმდეგო...

4. გამოდის, რომ მთავრდება არა მარტო საშუალო განათლება, არამედ განათლება საერთოდ... და მომავალში გაიზრდება ამების მსგავსი ერთუჯრედიანი მასა, რომელიც ნებისმიერი "გონებრივი" საღეჭი რეზინის მოხარული იქნება, ისეთებისა, როგორიცაა მაგალითად: "სახლი ("Дом"-) 2, 3, 4, ... (პოპულარული სატელევიზიო შოუ - რედ.), ან ტელეარხისა ТНТ მისი გამაოგნებელი წელსქვედა იუმორით, ბრიყვული ამერიკული მულტფილმებითა და "ინტელექტუალური" თამაშებით, რომელიც ავითარებს მხოლოდ ძალადობასა და სისასტიკეს - შემკავებელი ცენტრები უბრალოდ საჭირო არ იქნება, ელექტრონულის გარდა...

ახლა მივამატოთ ამას "თვითდაფინანსებაზე" მყოფი პოლიკლინიკები და საავადმყოფოები - მაშასადამე, მკურნალობას მცირედ ვინმე თუ შესძლებს, რადგან ეს ისეთ თანხებს მოითხოვს, რომელიც ჩვენს ხალხს არა აქვს და არც ექნება... უფროსი და საშუალო ასაკის სწრაფი ლიკვიდაცია, ნათესაობის არმცოდნე ჩლუნგი და მორჩილი "ცხვრების" გაზრდა (რომელთა ადამიანებად წარმოდგენაც კი ძნელია) ადვილად წარმოსადგენია რა სახის საზოგადოებას მოგვცემს. ისეთ რამეს აღზრდიან, რომ ყველაზე მიყრუებული აფრიკული და აბორიგენული ტომები უფრო ინტელექტუალურად და სოციალურად თავისუფალ ადამიანებად მოგეჩვენებათ...

5. ამას დავამატოთ კიდევ ის, რომ არანაირად არ "განიხილავენ" და არ მიიღებენ - ძალადობისა და სექსუალური გარყვნილების პროპაგანდის აკრძალვას... უკვე ცენტრალურ ტელეარხებზეც (!) კი გაიჟღერა ფრაზებმა, რომ პედოფილია როგორც ასეთი ძალზედ მცირეა ჩვენს ქვეყანაში და მის ირგვლივ ხმაურის ატეხვა არ ღირს. და ამის შესახებ არ არის საჭირო ბავშვებთან ლაპარაკი. ძალადობის მქადაგებელი თამაშები - ეს მშობელთა "უყურადღებობაა"... მოკლედ, ამგვარი პრობლემები არ არსებობენ!

ყოველივე აქედან გამოდის დასკვნა: ჩვენ არც კი გვესმის, რომ უკვე გაგვანადგურეს... ყველა იდეისა და "ნორმის" წინ წაწევა ასეთი აღზრდისა და სწავლის პირობებში - აშკარად ხვალინდელი დღის საქმეა... ვცდილობ ველაპარაკო ადამიანებს ყოველივე ამის შესახებ, მაგრამ ჩვენს მოქალაქეებს არ სურთ ერთად დასვან ეს კითხვები და მათ პასუხები გასცენ... ან შედეგის გააზრებას უფრთხიან, ან კიდევ მის დანახვას...
ასეთია მწარე სინამდვილე...

ინტერნეტ წყაროების მიხედვით.

 
TOP. GE
Назад к содержимому | Назад к главному меню